• Hafan | Data a dadansoddi

Data a dadansoddi

Byddwn yn derbyn gwybodaeth gan ddarparwyr addysg drydyddol drwy nifer o gasgliadau data a cheisiadau am wybodaeth. Defnyddir y rhain i gyfrifo dyraniadau cyllid, i fonitro cynnydd, i lywio polisi ac i gyhoeddi ystadegau ar gyfer y sector trydyddol yng Nghymru. 

Cofnod Dysgu Gydol Oes Cymru (LLWR) 

Mae Cofnod Dysgu Gydol Oes Cymru (LLWR) yn sail i sawl agwedd ar ein gwaith, gan gynnwys cyllido, monitro a sicrhau ansawdd darpariaeth ôl-16 (ac eithrio darpariaeth chweched dosbarth ac addysg uwch). Mae’r data hefyd yn darparu’r ffynhonnell swyddogol o ystadegau ar ddysgwyr mewn addysg bellach, prentisiaid a dysgwyr yn y sector dysgu oedolion. 

Mae nifer o ddogfennau Llywodraeth Cymru yn parhau i fod yn berthnasol. 

Cofnod Dysgu Gydol Oes Cymru: casglu ac adrodd ar ddata 

Cofnod Dysgu Gydol Oes Cymru: ffurflenni cofrestru 

Defnyddir y ffurflenni cofrestru hyn i gasglu’r data sydd eu hangen gan ddysgwyr. 

Llawlyfr cymorth i ddefnyddwyr Cofnod Dysgu Gydol Oes Cymru 

Mae’r llawlyfr cymorth hwn yn rhoi arweiniad i’r darparwyr dysgu hynny sy’n dychwelyd data i Medr drwy’r LLWR, i’w cyflenwyr meddalwedd, ac i bartïon eraill â diddordeb.  

Cofnod Dysgu Gydol Oes Cymru: hysbysiad preifatrwydd 

Yma rydym yn esbonio sut y byddwn yn defnyddio’r wybodaeth a ddarperir gennych ac am ba mor hir y byddwn yn ei chadw. Dyma ddogfen a etifeddwyd gan Lywodraeth Cymru, a bydd Medr yn darparu ei ddiweddariad ei hun ymhen amser. 

LLWR data freeze dates

This document lists the dates a snapshot of LLWR data is undertaken (freeze) and how the freeze data will be used by both by Medr and the Welsh Government.

Cofnod Dysgu Gydol Oes Cymru: ffurflenni cofrestru 

Defnyddir y ffurflenni cofrestru hyn i gasglu’r data sydd eu hangen gan ddysgwyr. 

Llawlyfr cymorth i ddefnyddwyr Cofnod Dysgu Gydol Oes Cymru 

Mae’r llawlyfr cymorth hwn yn rhoi arweiniad i’r darparwyr dysgu hynny sy’n dychwelyd data i Medr drwy’r LLWR, i’w cyflenwyr meddalwedd, ac i bartïon eraill â diddordeb.  

Cofnod Dysgu Gydol Oes Cymru: hysbysiad preifatrwydd 

Yma rydym yn esbonio sut y byddwn yn defnyddio’r wybodaeth a ddarperir gennych ac am ba mor hir y byddwn yn ei chadw. Dyma ddogfen a etifeddwyd gan Lywodraeth Cymru, a bydd Medr yn darparu ei ddiweddariad ei hun ymhen amser. 

LLWR data freeze dates

This document lists the dates a snapshot of LLWR data is undertaken (freeze) and how the freeze data will be used by both by Medr and the Welsh Government.

Casglu data ôl-16 

Mae’r casgliad data ôl-16 yn ymdrin â dysgu a gwblheir yn y chweched dosbarth mewn ysgolion. Fe’i defnyddir i gyllido, monitro a sicrhau ansawdd darpariaeth ôl-16, ac er mwyn cynhyrchu ystadegau swyddogol. 

Mae nifer o ddogfennau Llywodraeth Cymru yn parhau i fod yn berthnasol. 

Mesurau a chanlyniadau ôl-16 

Mesurau perfformiad cyson ôl-16 

Dyma’r mesurau perfformiad sydd ar waith ar gyfer colegau addysg bellach a’r chweched dosbarth mewn ysgolion.  

Learner outcomes reports

These provide summaries of the learner success rates achieved by apprenticeship providers and adult community learning partnerships. They are accessible by expanding the ‘data’ section on the statistical release page. Learner outcomes reports for previous years are available alongside previous statistical releases.

Bagloriaeth Sgiliau Cymru Uwch: cofnodi a mesur deilliannau 

Mae’r ddogfen hon yn nodi’r dull a gynigir gan Lywodraeth Cymru o fesur deilliannau ôl-16 Bagloriaeth Cymru, a’r gofynion i gofnodi data er mwyn cefnogi’r dull hwn. 

Hunanasesu: darparwyr ôl-16 

Mae’r canllawiau hyn yn rhoi cyngor manwl ynghylch sut y dylai darparwyr ôl-16 eu hasesu eu hunain ac adrodd ar hynny, a sut i ddefnyddio’r wybodaeth honno i gyflwyno gwelliannau.

Mesurau perfformiad cyson ôl-16 

Dyma’r mesurau perfformiad sydd ar waith ar gyfer colegau addysg bellach a’r chweched dosbarth mewn ysgolion.  

Learner outcomes reports

These provide summaries of the learner success rates achieved by apprenticeship providers and adult community learning partnerships. They are accessible by expanding the ‘data’ section on the statistical release page. Learner outcomes reports for previous years are available alongside previous statistical releases.

Bagloriaeth Sgiliau Cymru Uwch: cofnodi a mesur deilliannau 

Mae’r ddogfen hon yn nodi’r dull a gynigir gan Lywodraeth Cymru o fesur deilliannau ôl-16 Bagloriaeth Cymru, a’r gofynion i gofnodi data er mwyn cefnogi’r dull hwn. 

Hunanasesu: darparwyr ôl-16 

Mae’r canllawiau hyn yn rhoi cyngor manwl ynghylch sut y dylai darparwyr ôl-16 eu hasesu eu hunain ac adrodd ar hynny, a sut i ddefnyddio’r wybodaeth honno i gyflwyno gwelliannau.

Casglu data addysg uwch 

Rydym yn casglu data gan ddarparwyr addysg uwch yng Nghymru drwy nifer o arolygon data: 

  • arolwg ystadegau cynnar myfyrwyr addysg uwch (HESES) 
  • monitro diwedd blwyddyn (MDB) yr arolwg cofrestriadau addysg uwch 
  • y cylchlythyr rhagolygon 

Anfonir yr arolygon data at gysylltiadau data enwebedig o fewn y darparwr ac maent hefyd ar gael isod. 

Mae nifer o ddogfennau Cyngor Cyllido Addysg Uwch Cymru (CCAUC) yn parhau i fod yn berthnasol nes i Medr ddarparu ei ddiweddariadau ei hun. 

Amserlen casglu data

Arolwg Ystadegau Cynnar Myfyrwyr Addysg Uwch (HESES)

Mae arolwg HESES yn casglu data cyfun myfyrwyr i’n galluogi i gael syniad cynnar o niferoedd myfyrwyr, monitro cyfraddau recriwtio myfyrwyr y mae cynlluniau ffioedd a mynediad yn berthnasol iddynt, a darparu gwybodaeth fonitro i Lywodraeth Cymru ar gyfer y flwyddyn academaidd berthnasol. 

Arolwg Monitro Diwedd Blwyddyn (EYM) ar gyfer Cofrestriadau Addysg Uwch

Mae’r arolwg EYM yn rhoi diffiniadau ac arweiniad i ddarparwyr addysg uwch ynghylch data diwedd blwyddyn a gaiff eu hechdynnu o gofnod myfyrwyr HESA drwy Wasanaeth Rhyngwyneb Adrodd Gwybodaeth (IRIS) HESA. Defnyddir y data i gyfrifo cyllid addysgu seiliedig ar gredyd, cyfrifo unrhyw addasiadau i gyllid, monitro gwybodaeth am hyfforddiant cychwynnol athrawon a chyrsiau meddygol a deintyddiaeth a sefydlu’r niferoedd terfynol o fyfyrwyr a gwerthoedd credyd.  

Ceisiadau am Ragolygon

Dyma gais i sefydliadau addysg uwch gyflwyno rhagolygon o niferoedd y myfyrwyr. 

Arolwg Ystadegau Cynnar Myfyrwyr Addysg Uwch (HESES)

Mae arolwg HESES yn casglu data cyfun myfyrwyr i’n galluogi i gael syniad cynnar o niferoedd myfyrwyr, monitro cyfraddau recriwtio myfyrwyr y mae cynlluniau ffioedd a mynediad yn berthnasol iddynt, a darparu gwybodaeth fonitro i Lywodraeth Cymru ar gyfer y flwyddyn academaidd berthnasol. 

Arolwg Monitro Diwedd Blwyddyn (EYM) ar gyfer Cofrestriadau Addysg Uwch

Mae’r arolwg EYM yn rhoi diffiniadau ac arweiniad i ddarparwyr addysg uwch ynghylch data diwedd blwyddyn a gaiff eu hechdynnu o gofnod myfyrwyr HESA drwy Wasanaeth Rhyngwyneb Adrodd Gwybodaeth (IRIS) HESA. Defnyddir y data i gyfrifo cyllid addysgu seiliedig ar gredyd, cyfrifo unrhyw addasiadau i gyllid, monitro gwybodaeth am hyfforddiant cychwynnol athrawon a chyrsiau meddygol a deintyddiaeth a sefydlu’r niferoedd terfynol o fyfyrwyr a gwerthoedd credyd.  

Ceisiadau am Ragolygon

Dyma gais i sefydliadau addysg uwch gyflwyno rhagolygon o niferoedd y myfyrwyr. 

Archwilio data 

Ceir hyd i’r nodiadau arweiniad diwethaf a gyflwynwyd i archwilwyr allanol a benodwyd gan CCAUC yn Nodiadau arweiniad i Archwilwyr Allanol 2021 (Medi 2021) a Nodiadau arweiniad ar gyfer Archwilwyr Allanol 2021 (Tachwedd 2021). 

Ers 2021/22, mae aelodau’r tîm ystadegau yn cyfarfod â chysylltiadau data ym mhob darparwr, i ymdrin ag agweddau fel canfyddiadau archwiliadau blaenorol ac ansawdd data. Caiff y broses hon ei hadolygu gan Medr.  

Mae’r trefniadau ar gyfer archwiliadau mewnol yn parhau yr un peth, a gofynnir am adroddiadau blynyddol. Ceir hyd i’r nodiadau cyfarwyddyd cyfredol i archwilwyr eu defnyddio yn eu harchwiliadau mewnol blynyddol yn Canllawiau i’w defnyddio gan Archwilwyr Mewnol wrth gynnal eu Harchwiliad Mewnol Blynyddol o Systemau a Phrosesau Data AU.

Canllawiau data HESA 

Mae’r Asiantaeth Ystadegau Addysg Uwch (HESA) yn rhan o Jisc. Mae HESA yn casglu a rhoi sicrwydd ynghylch data addysg uwch yn y DU, ac yn dosbarthu’r data hynny.  

Mae HESA yn casglu data ar ein rhan yn gysylltiedig â: 

  • gweithgarwch myfyrwyr 
  • cyllid 
  • rheoli ystadau 
  • rhyngweithio rhwng addysg uwch â busnes a’r gymuned 
  • staff mewn darparwyr addysg uwch (DAUau) 

Byddwn yn defnyddio’r data hyn ym Medr er mwyn: 

  • cyfrifo dyraniadau cyllid 
  • monitro yn erbyn mesurau cenedlaethol a chyfle cyfartal 
  • cyhoeddi gwybodaeth 
  • llywio polisi. 

Mae angen i’r data a gyflwynir gan ddarparwyr addysg uwch fodloni safonau penodol, a rhaid paratoi’r data mewn modd gonest, di-duedd a manwl gywir. Mae Cod Ymarfer HESA yn cynorthwyo’r rhai sy’n paratoi ac yn rheoli casgliadau data. Mae’r Cod yn berthnasol i’r holl gasgliadau data a gyflwynir i HESA a’r pedwar corff cyllido AU yn y DU, gan gynnwys Medr.  

Cod ymarfer ar gyfer casglu data addysg uwch

Gofynion Data Addysg Uwch 

Mae’r ddogfen ganllaw gofynion data addysg uwch yn darparu gwybodaeth i ddarparwyr y data AU a ddefnyddir gennym i’r dibenion uchod. Mae’n amlinellu’r meysydd a’r meini prawf a ddefnyddir gennym i echdynnu data HESA, ac ym mha gyd-destun i’w defnyddio. Mae’r diweddariad terfynol hwn yn cynnwys newidiadau a wnaed yn sgil gweithredu Data Futures HESA. 

Cylchlythyr gofynion data AU 2023/24: HESA Data Futures – diweddariad terfynol

Cyfrifiadau cyllido 

Cewch wybodaeth yma am y data a’r fethodoleg a ddefnyddir o fewn y dulliau grant cylchol sy’n seiliedig ar fformiwla.

Ceir hefyd isod algorithmau sy’n gysylltiedig ag echdynnu data o gofnod myfyrwyr HESA, sydd i’w defnyddio wrth gyfrifo mynediad a chyfraddau cadw, anabledd, pynciau drud a phremiymau cyfrwng Cymraeg, a dyraniadau cyllid fesul pen. Mae’r algorithmau yn seiliedig ar fersiwn symlach o’r cod SAS a ddefnyddir gennym i echdynnu’r data. 

Mae’r algorithmau canlynol yn berthnasol ar gyfer 2023/24. Bydd yr algorithmau ar gyfer echdynnu data a ddefnyddiwyd ar gyfer cyllid 2024/25 ar gael yn fuan.  

Er mwyn sicrhau bod myfyrwyr yn cael eu cyfrif yn gywir, gellir defnyddio meini prawf pellach yn ychwanegol at y rhai a ddisgrifir yn yr algorithmau. 

Cyllid ymchwil 

Isod ceir gwybodaeth am echdynnu a chyfrifo cyllid Ymchwil o Ansawdd (QR) a chyllid Ymchwil Ôl-radd (PGR). Mae’r dolenni isod yn rhoi gwybodaeth am y model ariannu QR, sydd wedi’i ddiweddaru i ddefnyddio data o’r Fframwaith Rhagoriaeth Ymchwil (REF) 2021 ac sy’n gymwys ar gyfer cyllid o 2022/23 ymlaen. 

Mae’r algorithmau canlynol yn berthnasol ar gyfer 2023/24. Bydd yr algorithmau ar gyfer echdynnu data a ddefnyddiwyd ar gyfer cyllid 2024/25 ar gael yn fuan. 

Mae mesurau cenedlaethol yn ein helpu i fonitro darparwyr addysg uwch a reoleiddir ac/neu a gyllidir gan Medr.   

Defnyddir y mesurau ar lefel sefydliadol a chenedlaethol i fonitro perfformiad a llywio asesiadau risg a chynlluniau ffioedd a mynediad sefydliadol. 

Monitro 2021/22 

Mae mesurau cenedlaethol yn monitro data o’r flwyddyn 2016/17 ymlaen. Ceir disgrifiad o’r ffynonellau data a ddefnyddi’r a’r dulliau echdynnu yn Atodiad I ein cylchlythyr gofynion data diweddaraf.

Ystadegau cydraddoldeb ac amrywiaeth addysg uwch  

Rydym yn cynhyrchu data ystadegol ar berfformiad darparwyr addysg uwch o ran cydraddoldeb ac amrywiaeth. 

Mae’r adroddiadau hyn a’r dadansoddiad cysylltiedig yn seiliedig ar yr adroddiadau a gyflwynwyd gan ddarparwyr addysg uwch Cymru i’r Asiantaeth Ystadegau Addysg Uwch (HESA). 

Dadansoddiad o staff a myfyrwyr AU yng Nghymru yn 2015/16 i 2021/22: 

Mesurau Monitro Cydraddoldeb Hil 

Ethnicity of applicants, students and staff at Welsh Higher Education providers for the academic years 2016/17 to 2021/22. 

Data cod post 

Rydym yn defnyddio data sy’n ymwneud â chodau post myfyrwyr i fonitro mynediad i addysg uwch o grwpiau cyfranogiad isel, ac i gyfrifo peth o’n cyllid. 

Mesurau cenedlaethol – ehangu mynediad 

Y ffeil csv gyda rhestr o godau post a ddefnyddiwyd i fonitro’r mesur ehangu mynediad cenedlaethol ar gyfer cofnod myfyriwr HESA 2022/23: 

Mae’r ffeil yn cynnwys y cod post ac un maes chwilio, MALlC2014_q. Os yw MALlC2014_q=1 cyfrifir y cod post yn y cwintel isaf o ardaloedd a ddiffinnir gan Fynegai Amddifadedd Lluosog Cymru 2014 (MALlC2014). Os yw MALlC2014_q=2 cyfrifir y cod post yn y cwintel isaf ond un o ardaloedd a ddiffinnir gan MALlC2014.

Codau post cyfranogiad isel ac ehangu mynediad 

Mae’r ffeiliau csv hyn yn cynnwys rhestrau o godau post a ddefnyddir i gyfrifo’r premiwm mynediad a chadw (cyllid 2024/25) i’w ddefnyddio gyda data cofnod myfyrwyr HESA.

Mae’r ffeil cod post cyfranogiad isel yn cynnwys codau post a gyfrifir mewn ardaloedd cyfranogiad isel ar gyfer myfyrwyr rhan-amser. Ardaloedd cyfranogiad isel ar gyfer myfyrwyr rhan-amser yw’r ddau gwintel isaf o ardaloedd, fel y’u diffinnir yn ôl cyfran yr oedolion oed gwaith â chymwysterau lefel AU, yn ôl mesuriad data Cyfrifiad 2021. Gan nad yw’r data hyn o gyfrifiad 2021 ar gael ar hyn o bryd ar gyfer yr Alban a Gogledd Iwerddon, ni fydd cyfranogiad isel ar gyfer 2024/25 ond yn seiliedig ar godau post Cymru a Lloegr. 

Mae’r ffeil codau post ehangu mynediad yn cynnwys codau post yng nghwintelau 1 neu 2 o Fynegai Amddifadedd Lluosog Cymru (MALlC) 2019.

Mae Dyraniadau cyllid ar gyfer darparwyr addysg uwch yn 2024/25 yn dangos dyraniadau cyllid ar gyfer darparwyr addysg uwch, gan gynnwys y premiwm mynediad a chadw.

Mae rhagor o wybodaeth am y ffynonellau data a ddefnyddir gennym a’r hyn rydym yn eu defnyddio ar ei gyfer yn y cyhoeddiad gofynion data diweddaraf. Ar gyfer codau post a ddefnyddir gyda data hŷn, anfonwch e-bost i [email protected].

Yn cynnwys data Ystadegau Gwladol © Hawlfraint y Goron a hawl cronfa ddata (2020) 

Yn cynnwys data’r Post Brenhinol © Hawlfraint y Post Brenhinol a hawl Cronfa Ddata (2020) Yn cynnwys data Ystadegau Gwladol © Hawlfraint y Goron a hawl cronfa ddata (2020) 

Ceir defnyddio OS OpenData yn rhad ac am ddim o dan Y Drwydded Llywodraeth Agored (OGL).

Gwasanaeth Rhyngwyneb Adrodd Gwybodaeth HESA (IRIS) 

Yr Asiantaeth Ystadegau Addysg Uwch (HESA) yw’r asiantaeth swyddogol ar gyfer casglu, dadansoddi a dosbarthu gwybodaeth feintiol am addysg uwch yn y DU. Ceir gwybodaeth am y trefniadau diweddaraf ar gyfer cyflwyno data myfyrwyr ar wefan HESA. 

Yn rhan o system casglu data HESA, echdynnir data drwy Wasanaeth Rhyngwyneb Adrodd Gwybodaeth HESA (IRIS) i’w defnyddio gan sefydliadau addysg uwch (AU) ac addysg bellach (AB) yng Nghymru. 

Mae hyn yn golygu bod darparwyr AU yn gweld data yn fuan, ac y gallant wedyn ddefnyddio hynny’n sail ar gyfer dyraniadau cyllido i’w galluogi i gywiro data yn fuan. Mae hyn hefyd yn rhan o’r broses er mwyn cymeradwyo data Monitro Diwedd Blwyddyn (MDB), ynghyd â nifer o ddatganiadau eraill, a restrir isod.  

Mae mwy o ddatganiadau data yn cael eu cyfuno a’u darparu drwy IRIS eleni i leihau nifer y gwiriadau data y mae angen eu cynnal drwy gydol y flwyddyn academaidd. 

Allbynnau IRIS 

Mae allbwn IRIS ar gyfer sefydliadau Cymru yn cynnwys y darnau canlynol o ddata y mae angen eu cymeradwyo: 

Roedd angen i allbynnau IRIS yr oedd angen eu cymeradwyo gael eu gwirio, eu llofnodi a’u hanfon yn ôl i Gyngor Cyllido Addysg Uwch Cymru erbyn 8 Chwefror 2024. 

  • Monitro Diwedd Blwyddyn (EYM) 
  • Mesur cenedlaethol (NM) yn seiliedig ar fyfyrwyr  
  • Hepgor ffioedd rhan-amser (PTFW a PTFW_allocation) 
  • Prentisiaethau gradd  
    • Sylwch y bydd y ddalen ‘Cymeradwyo cofrestriadau’ yn cynnwys data ar unigolion, felly dychwelwyd y daenlen prentisiaethau gradd drwy barth uwchlwytho diogel: 
    • Gallwch gael manylion mewngofnodi ar gyfer yr parth hwn drwy gysylltu â [email protected]. 
  • Bwrsariaethau cyrsiau Meistr a addysgir  (bwrsariaethau_meistr a dyraniad_meistr) 
  • Cyllid Mynediad a Llwyddiant ar sail Hil / Llesiant a iechyd meddwl (RAS_WBMH) 
  • Cyllid cymorth cyflogadwyedd wedi’i dargedu (TES) 
  • Cyllid hyfforddiant ymchwil ôl-radd (PGR) 
  • Cyllid fesul pen (PCHE) 
  • Premiwm pynciau drud (Exp) 
  • Premiwm anabledd (DSA) 
  • Premiwm mynediad a chadw (A+R) 

Y termau mewn cromfachau yw’r label enw ffeil a welir yn ffeiliau allbwn IRIS a dderbynnir gan ddarparwyr AU Cymru.

Mae’r allbynnau hefyd yn cynnwys y darnau data canlynol nad oes angen eu cymeradwyo:

  • Crynodeb rhyddfreinio (FO)  
  • Crynodeb o ddata dadansoddi incwm (Income) 
  • Adroddiadau ansawdd data (DQA) 
  • Ymagwedd dryloyw at gostio (addysgu) (TRAC (T)) data cyfwerth ag amser llawn. (TRACT_FTE_old a TRACT_FTE_new) 
  • Gwerthoedd credyd a modiwlau cyfrwng Cymraeg (WM a WM_modules) 

Gweithdrefnau cymeradwyo a gwybodaeth atodol 

Ceir gweithdrefnau cymeradwyo, ynghyd â mwy o fanylion am y defnydd o’r data a’r meini prawf echdynnu, yn y dogfennau canlynol: 

Ceir hefyd ddogfen sy’n dangos y fethodoleg a ddefnyddir i amcangyfrif modiwlau â deilliannau anhysbys yn rhan o’r data MDB a echdynnir. 

Uchod, ceir hyd i’r ffeiliau cod post diweddaraf i’w defnyddio’n rhan o echdyniad y premiwm mynediad a chadw, ac yn y mesurau cenedlaethol. 

Am arweiniad pellach, i roi gwybod am unrhyw broblemau a rhoi adborth am IRIS, anfonwch e-bost i [email protected].

Rhagor o wybodaeth am waith Medr

Gallwch danysgrifio i ddiweddariadau i fod y cyntaf i wybod am ein cyhoeddiadau, ein newyddion a’n cyfleoedd swydd. 

Tanysgrifio