This website will offer limited functionality in this browser. We only support the recent versions of major browsers like Chrome, Firefox, Safari, and Edge.
Bydd Adnoddau Medr yn gweithredu ochr yn ochr â gwefan Medr, ac yn caniatáu i weithwyr addysg proffesiynol gael mynediad at ddeunydd ategol fel pecynnau cymorth, astudiaethau achos a chanllawiau ymarferol.
Gellir cael at ddeunydd digidol sy’n ymwneud â phynciau fel cydraddoldeb, addysg awyr agored, dysgu digidol, iechyd meddwl a mwy trwy’r platfform.
I ddechrau, bydd y platfform hwn yn rhoi mynediad i ddefnyddwyr at ddeunydd a oedd ar gael ar wefan Hwb Llywodraeth Cymru yn flaenorol, ac sy’n fwyaf perthnasol i staff sy’n gweithio ym meysydd addysg bellach, prentisiaethau a dysgu oedolion yn y gymuned.
Mae’r safonau digidol hyn wedi cael eu creu mewn partneriaeth rhwng Llywodraeth Cymru, y sector ôl-16 a Jisc. Bwriad y fframwaith safonau yw rhoi dealltwriaeth ar y cyd i’r sector o beth yw ymarfer digidol da a’r deilliannau mae’n gallu helpu i’w cyflawni. Defnyddiwyd y Safonau Proffesiynol ar gyfer Addysgu a Dysgu mewn Addysg Bellach a Dysgu’n Seiliedig ar Waith yng Nghymru fel y fframwaith ar gyfer y set hon o safonau digidol.
AdnoddauMae’r casgliad o ddeunydd yma, a ddatblygwyd drwy ymgynghori â’r Gweithgor Dysgu Cyfunol Llywodraeth Cymru, yn gynnwys canllawiau ar ddysgu cyfunol ar gyfer darparwyr dysgu ac ymarferwyr addysgu. Mae’r canllawiau yma’n berthnasol ar gyfer sefydliadau addysg bellach, a darparwyr o ddysgu seiliedig ar waith a dysgu oedolion yn y gymuned.
AdnoddauCrynhoi’r sefyllfa bresennol o ran fframwaith strategol Digidol 2030 ar gyfer dysgu digidol yn y sector Ôl-16, gan gynnwys gweithgareddau yn ystod pandemig Covid-19 a’r camau nesaf ar gyfer blwyddyn academaidd 2021/22, fel roedd.
Rhestr ChwaraeCyhoeddwyd y fframwaith strategol ar gyfer dysgu digidol yn sector ôl-16 Cymru, Digidol 2030, yn 2019. Mae’r rhestr chwarae hon yn crynhoi sut roedd y Llywodraeth am fynd ati i weithredu Digidol 2030 rhwng 2022 a 2025.
Rhestr ChwaraeMae’r rhestr chwarae yma yn cynnwys 5 cwrs ar-lein ar gyfer ymarferwyr addysgu ôl-16 i archwilio’r defnydd o fodelau a damcaniaethau technoleg dysgu i’w helpu i ddatblygu eu dulliau dysgu cyfunol. Mae’r cyrsiau byr hyn wedi’u cynllunio mewn modd hyblyg i’ch galluogi i ‘blymio i mewn ac allan’. Mae’r cyrsiau wedi’u datblygu gan arbenigwyr Jisc, yn dilyn argymhellion gan Estyn, ac wedi’u hariannu gan Lywodraeth Cymru.
Rhestr ChwaraeMae’r rhestr chwarae hon yn darparu diweddariad wrth gyfres o weithdai ar gyfer Diemwntau Digidol (cymuned o ymarferwyr sydd yn addysgu’r cymhwyster Sgiliau Hanfodol Cymru llythrennedd digidol) gan Jisc. Mae’n cynnwys enghreifftiau o adnoddau llythrennedd digidol a greuwyd a rhannwyd gan ymarferwyr addysgu a gwybodaeth ar offeryn a phlatfformau a defnyddiwyd ar gyfer addysgu llythrennedd digidol. Arianwyd y gweithdai gan Lywodraeth Cymru yn ystod 2021/22.
Rhestr ChwaraeMae Jisc wedi canfod a datblygu chwech enghraifft o fentrau cydweithredol llwyddiannus sy’n defnyddio offer digidol a thechnoleg mewn dysgu ac addysgu ôl-16 yng Nghymru. Mae’r chwech astudiaeth achos yn cwmpasu cydweithrediadau ar draws addysg bellach a chyda chweched dosbarth, addysg uwch, dysgu seiliedig ar waith a dysgu cymunedol. Mae’r astudiaethau achos a’r adroddiad ar gael yn y Gymraeg a’r Saesneg.
AdnoddauComisiynwyd yr adroddiad yma wrth Jisc i lywio meddwl strategol a chynlluniau gweithredu ar gyfer dysgu digidol a chyfunol, fel rhan o’r galwad am weithred o dan strategaeth Ddigidol 2030 ar gyfer sefydliadau addysg bellach yng Nghymru. Mae’r adroddiad yn cyfuno astudiaethau ymchwil diweddar, dogfennau polisi ac enghreifftiau ymarferol, ac yn cynnig cymorth ymarferol i golegau ar gyfer datblygu strategaethau a chynllunio gweithredu.
AdnoddauComisiynwyd gan Lywodraeth Cymru, mae Jisc wedi cynyddu canllawiau ymarferol ar recordio a ffrydio gwersi i helpu sefydliadau addysg bellach ac ymarferwyr addysgu i ddarganfod, mabwysiadu neu wella’r defnydd o gynnwys wedi’i recordi a’i ffrydio ar gyfer addysg a dysgu.
AdnoddauCynhaliodd Jisc astudiaeth i archwilio’r defnydd o ddulliau cyflwyno hybrid a chyfunol yn y sector addysg bellach yng Nghymru. Mae’r adroddiad a’r chwe astudiaeth achos thematig sy’n cyd-fynd ag ef yn amlinellu ffactorau llwyddiant, heriau, datrysiadau posibl, datblygiadau yn y dyfodol ac argymhellion ar gyfer cyflwyno dysgu hybrid a chyfunol.
AdnoddauYn ystod blwyddyn academaidd 2023/24, fe gefnogodd Llywodraeth Cymru chwe phrosiect dan arweiniad colegau i beilota’r defnydd o offer a thechnoleg Deallusrwydd Artiffisial (AI). Mae’r rhestr chwarae hon yn rhannu gwybodaeth am y prosiectau peilot ac yn amlinellu’r camau nesaf a gefnogwyd gan Medr yn ystod 2024/25.
Rhestr Chwarae
Modiwlau dysgu digidol ar gyfer staff dysgu ac addysgu
Modiwlau dysgu digidol gan Jisc ar gyfer staff dysgu ac addysgu, a dyluniwyd i gynyddu ymwybyddiaeth a gwybodaeth am faterion allweddol ynglŷn â hygyrchedd digidol, hawlfraint ddigidol mewn addysg, cefnogi hunaniaeth a lles digidol dysgwyr, a dysgu a datblygu digidol. Mae’r modiwlau hyn wedi’u cynllunio i fod yn gryno (tua 30 munud yr un).
Rhestr ChwaraeMae’r pecyn cymorth hwn yn ganlyniad prosiect cydweithredol rhwng tri choleg Addysg Bellach (AB) yn y De-ddwyrain Cymru: Coleg Gwent, Coleg Caerdydd a’r Fro, a Choleg y Cymoedd, gyda chefnogaeth Llywodraeth Cymru. Y nod yw gyrru arloesedd a gwella arferion dysgu cyfunol trwy integreiddio technolegau AI datblygedig, gyda chyfeiriad at fathau dysgu ABC.
AdnoddauMae’r gyfres hon o ddeunyddiau e-ddysgu wedi’i chreu i gefnogi staff a dysgwyr i ddefnyddio deallusrwydd artiffisial (AI) yn effeithiol ac yn foesegol. Mae’r adnoddau hyn yn darparu canllawiau ymarferol ac enghreifftiau byd go iawn o gymwysiadau AI o fewn y sector ôl-16. Mae pecynnau SCORM ar gael i’w lawrlwytho, gan alluogi darparwyr dysgu i osod y modiwlau yn eu hamgylcheddau dysgu rhithwir eu hunain. Mae hyn yn caniatáu i ddarparwyr olrhain cynnydd staff a dysgwyr trwy eu systemau eu hunain. Mae’r astudiaethau deunydd ar gael yn y Gymraeg a’r Saesneg.
AdnoddauMae’r rhestr chwarae hon yn crynhoi sut roedd Llywodraeth Cymru yn cydweithio â’r sector addysg bellach a phartneriaid eraill er mwyn cyflawni’r amcanion yng Nghynllun Gweithredu Cymru Wrth-hiliol.
Rhestr ChwaraeDatblygwyd y canllawiau hyn gan y Black Leadership Group i gefnogi sefydliadau addysg bellach i gyflawni’r nodau a nodir yng Nghynllun Gweithredu Cymru Wrth-hiliol Llywodraeth Cymru.
AdnoddauFel rhan o’i chynllun gweithredu i gyflawni uchelgais gwrth-hiliol Cymru ar draws addysg bellach, comisiynodd Llywodraeth Cymru yr ymchwil ansoddol hon ar raddau ac effeithiau hiliaeth ar ddysgwyr a staff.
AdnoddauDatblygwyd y canllawiau hyn gan y Grŵp Arwain Pobl Dduon, i gefnogi darparwyr prentisiaethau i gyflawni’r nodau a nodir yng Nghynllun Gweithredu Gwrth-hiliol Cymru Llywodraeth Cymru.
AdnoddauMae’r ‘rhestr chwarae’ hon yn cynnwys adnoddau ar gyfer y sector addysg bellach yng Nghymru er mwyn helpu ymarferwyr i gynorthwyo dysgwyr sy’n dioddef o broblemau iechyd meddwl.
Rhestr ChwaraeDyluniwyd y pecyn cymorth hwn i gefnogi ymarferwyr addysg bellach i ddatblygu strategaeth integredig i fynd i’r afael â chamddefnyddio sylweddau.
AdnoddauMae’r casgliad hwn o restrau chwarae yn cyflwyno’r prosiectau IMPACT, arweiniwyd gan Goleg Sir Benfro fel rhan o gronfa Iechyd Meddwl a Llesiant Llywodraeth Cymru yn 2020-21 a 2021-22. Maen nhw’n amlinellu cymorth a ddatblygwyd ar gyfer iechyd meddwl a lles i staff a dysgwyr yn yr ardal Partneriaeth Ranbarthol Dde-orllewin Cymru.
Rhestr ChwaraeMae’r rhestr chwarae hon yn darparu’r canfyddiadau ac argymhellion allweddol o brosiect Ymwybyddiaeth Llesiant 2021-2022, a ariennir gan Lywodraeth Cymru. Mae’n disgrifio gweithgarwch y prosiect i gefnogi lles staff o dan arweiniad yr Undeb Prifysgolion a Cholegau (UCU) ac Unsain a chanfyddiadau’r ymchwil a wnaed gyda thri choleg peilot.
Rhestr ChwaraeCyfres o saith ffeithlun ar gyfer colegau addysg bellach i’u rhannu a’u defnyddio gyda dysgwyr a staff i hyrwyddo’r cysylltiadau rhwng gweithgarwch, lles a gwell iechyd meddwl. Comisiynwyd yr adnoddau yma gan Colegau Cymru fel rhan o gyllid iechyd meddwl a lles a ddarparwyd gan Lywodraeth Cymru yn 2021 i 2022.
AdnoddauCyflwyniad i fesurau perfformiad cyson Llywodraeth Cymru ar gyfer addysg bellach a chweched dosbarth, yn amlinellu’r mesurau a sut y cawsant eu datblygu.
AdnoddauYn ganllaw syml i helpu ysgolion a cholegau i ddehongli eu hadroddiadau ar y mesurau cyson.
AdnoddauGwybodaeth am y mesurau perfformiad ôl-16 newydd (bryd hynny) ar gyfer chweched dosbarth ysgolion a cholegau addysg bellach.
Rhestr ChwaraeNododd yr ymchwil hon y ffactorau sy’n dylanwadu fwyaf ar gyflawniad ôl-16 a lluniodd amcangyfrif o’r canlyniad a ragwelir ar gyfer y darparwr ôl-16 o ystyried nodweddion ei ddysgwyr.
AdnoddauPecynnau adnoddau canllawiau chwaraeon a gwybodaeth ategol i gefnogi colegau a staff addysg bellach sy’n ymwneud â digwyddiadau cydweithredol a thimau cynrychioliaethol. Crëwyd yr adnoddau hyn ar ôl ymgynghori â’r sector a’i fwriad yw cefnogi gweithdrefnau iechyd a diogelwch presennol y coleg a chanllawiau cenedlaethol Panel Ymgynghorwyr Addysg Awyr Agored Cymru ar ymweliadau addysgol yn y dyfodol.
AdnoddauMae’r modiwlau hyfforddi ar-lein hyn wedi’u creu ar gyfer pob aelod o staff yn sefydliadau addysg bellach gyda chyfrifoldeb dros gynllunio ac arwain ymweliadau addysgiadol. Datblygwyd y modiwlau hyn mewn partneriaeth gyda’r sector addysg bellach a’r Panel Ymgynghorwyr Addysg Awyr Agored.
AdnoddauMae’r rhestr chwarae hon yn cynnwys dolenni ac adnoddau ar gyfer staff mewn sefydliadau addysg bellach sy’n gyfrifol am gynllunio, arwain a chymeradwyo ymweliadau addysgol.
Rhestr ChwaraeYn y rhestr chwarae hwn mae’r adroddiad gwerthuso, astudiaethau achos ac adnoddau a grëwyd o ganlyniad i weithgareddau gydag undebau llafur a cholegau addysg bellach ar bynciau llesiant proffesiynol a lleihau llwyth gwaith.
Rhestr ChwaraeMae’r rhestr chwarae hon yn rhoi trosolwg o’r gwaith o ddatblygu partneriaethau cymdeithasol yn y sector addysg bellach, ynghyd ag adnoddau ac astudiaethau achos.
Rhestr ChwaraeCynlluniwyd y pecyn adnoddau hwn i gefnogi ac arwain staff drwy’r broses newid ac mae’n seiliedig ar egwyddorion partneriaeth gymdeithasol. Fe’i crëwyd fel rhan o’r prosiectau cydweithredol baich gwaith, wedi’i gyd-gynllunio â Jisc, a’i ddatblygu mewn partneriaeth â staff ac arweinwyr o 5 coleg.
AdnoddauAdnoddau a chwrs e-ddysgu i roi hyder i diwtoriaid i gofnodi gweithgareddau yn y Gymraeg neu’n ddwyieithog; cynyddu eu hymwybyddiaeth o Gofnod Dysgu Gydol Oes Cymru (LLWR); canfod ble mae eu darpariaeth ar hyn o bryd ar y continwwm dwyieithrwydd; ac i gynorthwyo tiwtoriaid i feithrin eu sgiliau addysgu’n ddwyieithog. Datblygwyd yr adnoddau yma fel rhan o Gyllid Datblygiad Proffesiynol a ddarparwyd gan Lywodraeth Cymru yn 2021/22.
AdnoddauNod Prentis-iaith yw cynorthwyo prentisiaid i ddatblygu eu sgiliau iaith Gymraeg a’u galluogi i gwblhau rhywfaint o’u cwrs yn Gymraeg. Mae’n cynnwys cwrs cyffredinol a phedwar cwrs ar gyfer sectorau galwedigaethol gwahanol. Mae’r cyrsiau ar gael ar bedwar lefel: Ymwybyddiaeth, Dealltwriaeth, Hyder, Rhuglder ac mae cwis ar gael i ganfod pa lefel sy’n addas ar eich cyfer.
Mae’r cyrsiau byr hyn ar gyfer prentisiaid sydd eisoes â pheth dealltwriaeth o’r Gymraeg ac sydd am ehangu’u dealltwriaeth o sut y gellir defnyddio’u Cymraeg yn y gweithle. Maent yn galluogi’r prentisiaid i gwblhau rhywfaint o’u cwrs yn y Gymraeg.
AdnoddauTeclyn a grëwyd gan y Coleg Cymraeg Cenedlaethol, mae’r teclyn yn gynnwys adnoddau a rhaglenni ymarferol er mwyn i staff wella’u Cymraeg a’u defnyddio gyda’u dysgwyr neu brentisiaid. Bwriad y teclyn ydy rhoi cymorth i staff mewn colegau addysg bellach a darparwyr prentisiaethau i ddefnyddio’r Gymraeg, beth bynnag eu sgiliau Cymraeg.
AdnoddauRhestr wirio a phecynnau cymorth ar gyfer pynciau penodol i helpu sefydliadau addysg bellach i adnabod dysgwyr mwy galluog a thalentog.
AdnoddauMae’r canllawiau hyn yn seiliedig ar ddau adolygiad a edrychodd ar sut mae pobl ifanc fwyaf disglair Cymru yn cael y gefnogaeth i gyflawni eu llawn botensial.
AdnoddauDiben y modiwlau hyn (a ddatblygwyd gan Goleg Cambria) yw datblygu geirfa dysgwyr sy’n gysylltiedig â’r saith nod llesiant. Cynllun i’w ddefnyddio gyda dysgwyr ym Mlynyddoedd 10 i 13 (neu lefelau cyfatebol yn y sector Ôl-16). Cynorthwyo gyda thrafodaethau yn yr ystafell ddosbarth, a helpu dysgwyr i adnabod a defnyddio’r termau hyn y tu allan i’r ystafell ddosbarth. Darperir ffeiliau i’w lawrlwytho gan ddarparwyr dysgu.
AdnoddauMae’r gyfres o e-modiwlau hwn, a ddatblygwyd mewn cydweithrediad â cholegau addysg bellach, ac sydd wedi’i gynllunio i’w ddefnyddio ar gyfer dysgwyr galwedigaethol Lefel 3, yn mynd i’r afael â’r problemau sy’n gysylltiedig â’r newid yn yr hinsawdd, a’r atebion posibl, ac yn annog dysgwyr i ystyried newidiadau y gallent eu gwneud yn eu bywydau bob dydd a’u gyrfa yn y dyfodol i gefnogi Cymru sero net. Darperir ffeiliau SCORM a RAW i’w lawrlwytho gan ddarparwyr dysgu.
AdnoddauPwrpas y modiwlau hyn yw addysgu cyfranogwyr am egwyddorion ac arferion diogelu. Gall sefydliadau addysg bellach a darparwyr dysgu seiliedig ar waith lawrlwytho ffeil .Zip sy’n cynnwys pecyn SCORM ar gyfer pob modiwl i’w gosod o fewn eu llwyfannau dysgu rhithwir lleol. Arianwyd datblygiad o’r deunydd yma gan Lywodraeth Cymru.
AdnoddauGallwch danysgrifio i ddiweddariadau i fod y cyntaf i wybod am ein cyhoeddiadau, ein newyddion a’n cyfleoedd swydd.
Tanysgrifio