Rheoleiddio 

Sut rydym yn rheoleiddio

Mae’n rhaid i sefydliad sydd yn dymuno i’w gyrsiau israddedig amser llawn gael eu dynodi’n awtomatig ar gyfer cymorth i fyfyMae Medr yn rheoleiddio mewn ffordd sy’n glir, yn gymesur, yn gyson ac yn seiliedig ar risg.

Rydym yn defnyddio ystod eang o wybodaeth i ddeall yr hyn sy’n digwydd ar draws y sector ac i nodi ble mae angen sylw.

Mae ein gwaith yn cynnwys:

• monitro sut mae darparwyr yn bodloni’r amodau sy’n berthnasol iddynt
• siarad â darparwyr i ddeall eu cyd-destun ac unrhyw faterion sy’n dod i’r amlwg
• nodi meysydd y gellid bod angen sylw manylach arnynt
• cymryd camau lle bo angen i amddiffyn dysgwyr a chynnal hyder yn y system

Mae ein penderfyniadau wedi’u seilio ar dystiolaeth ac yn cael eu llywio gan y niwed posibl i ddysgwyr.

Ein ffocws

Mae rheoleiddio yn cefnogi system addysg drydyddol mewn sawl ffordd, er enghraifft drwy:

• sicrhau bod yr addysgu a’r dysgu o ansawdd da
• helpu darparwyr i aros yn sefydlog yn ariannol
• annog darparwyr i gynnal eu darpariaeth yn dda a gwneud penderfyniadau er budd pennaf dysgwyr
• cynyddu cyfleoedd i ddysgu drwy gyfrwng y Gymraeg
• cael cynlluniau clir i gefnogi dysgwyr os bydd unrhyw beth yn tarfu ar gyrsiau, neu os bydd cyrsiau’n newid.
• rhoi llais i ddysgwyr wrth lunio eu haddysg
• helpu i sicrhau bod gan bawb gyfle teg i gael mynediad at ddysgu ac i lwyddo ynddo
• cefnogi lles dysgwyr a staff, y naill a’r llall
• sicrhau bod darpar ddysgwyr yn cael gwybodaeth glir a chywir cyn dewis cwrs
• sicrhau bod ffioedd yn cael eu gosod a’u cymhwyso yn y ffordd gywir

Drwy reoleiddio’n dda, mae Medr yn helpu i gynnal ymddiriedaeth mewn addysg drydyddol yng Nghymru.