Adroddiad Estyn ar Ymddygiad Dysgwyr mewn Colegau Addysg Bellach: argymhellion ar gyfer colegau addysg bellach a Medr

Datganiad gan Medr:

Rydym yn croesawu adroddiad Estyn ar ymddygiad dysgwyr mewn colegau addysg bellach, gan gynnwys ei archwiliad o ymddygiadau cadarnhaol a negyddol, a’r prosesau sydd gan golegau. Rydym yn cydnabod pwysigrwydd cynorthwyo colegau AB i adeiladu ar arfer da, ac i gefnogi datblygiad dull cydlynol o reoli ymddygiad.

Fel a amlinellir yn ein Cynllun Strategol 2025-2030, byddwn yn gweithio gyda cholegau addysg bellach i alluogi staff a dysgwyr i fod ag amgylchedd dysgu cadarnhaol, cynhyrchiol a chynhwysol lle mae’r holl staff a dysgwyr yn teimlo’u bod yn cael eu gwerthfawrogi a’u cefnogi. Fel rhan o’r gwaith hwn, byddwn yn cydweithio gyda cholegau i ystyried argymhellion yr adroddiad ar gyfer colegau.

Mae’r adroddiad yn gwneud argymhelliad (A8) mewn perthynas â’n dull cyllido. Fe wnaethon ni ymrwymo yn ein Cynllun Strategol i ymgynghori ar ein system gyllido. Bydd adroddiadau seiliedig-ar-dystiolaeth, fel hwn, yn cael eu hystyried wrth ddatblygu ein dulliau cyllido, a byddant yn goleuo’r penderfyniadau a wnawn.