Pwyntiau allweddol

• Dechreuodd 7,185 o raglenni dysgu prentisiaeth yn Ch1 2024/25, o gymharu â 8,145 yn Ch1 2023/24. Mae hwn yn ostyngiad o 12% yn nifer y prentisiaethau a ddechreuwyd.
• Mae’r gostyngiad yn nifer y dechreuadau yn cyd-daro â gostyngiad mewn cyllid prentisiaethau yng nghyllideb 2024-25, yn dilyn colli cyfraniadau o Gronfa Gymdeithasol Ewrop. Dechreuwyd cyflwyno newidiadau i ddarpariaeth o fis Tachwedd 2023, wrth ddisgwyl am y gyllideb.
• Ymhlith y Prentisiaethau Uwch y gwelwyd y gostyngiadau mwyaf o gymharu â Ch1 y flwyddyn gynt.
• Gofal Iechyd a Gwasanaethau Cyhoeddus oedd y sector eang mwyaf poblogaidd yn Ch1 2024/25 hefo 2,210 raglenni dysgu prentisiaethau yn ddechreuwyd. Roedd 31% o’r holl raglenni dysgu prentisiaethau a ddechreuwyd mewn Gofal Iechyd a Gwasanaethau Cyhoeddus.
• Roedd 53% o raglenni dysgu prentisiaeth wedi’u dechrau gan ddysgwyr gwrywaidd yn Ch1 2024/25, roedd hyn wedi gostwng 1 pwynt canran o gymharu â Ch1 2023/24.
• Roedd 34% o raglenni dysgu prentisiaeth wedi’u dechrau gan ddysgwyr iau nag 19 oed yn Ch1 2024/25 o gymharu â 35% yn Ch1 y flwyddyn gynt.
• Roedd 12% o raglenni dysgu prentisiaeth wedi’u dechrau gan ddysgwyr o gefndiroedd lleiafrifol ethnig yn Ch1 2024/25, roedd hyn wedi cynyddu 3 pwynt canran o gymharu â Ch1 2023/24.
• Roedd 12% o raglenni dysgu prentisiaeth wedi’u dechrau yn Ch1 2024/25 gan ddysgwyr a oedd yn nodi bod ganddynt anabledd ac/neu anhawster dysgu, dim newid o Ch1 2023/24.
• Mae 70,110 o brentisiaethau wedi’u dechrau ers Ch4 2020/21, yn rhan o’r cynnydd tuag at darged Llywodraeth Cymru o 100,000 o brentisiaethau.
• Roedd y Rhaglen Lywodraethu’n cynnwys targed i greu 125,000 o brentisiaethau pob oed. Yn ystod cyfarfod Pwyllgor yr Economi, Masnach a Materion Gwledig ar 26 Mehefin 2024, fe gytunodd Ysgrifennydd y Cabinet dros yr Economi, Ynni a’r Gymraeg ar darged newydd o 100,000 o brentisiaethau pob oed i gynnal targed tymor blaenorol y Senedd o 100,000.

Rhaglenni dysgu Prentisiaeth a ddechreuwyd: dangosfwrdd rhyngweithiol

Ym mis Medi 2024, cyhoeddwyd y byddai cofnod myfyrwyr HESA yn cael ei ehangu i gasglu data ar fyfyrwyr TNE a dyfarniadau yn y DU yn unig ar sail unigol o 2026/27. Y nod oedd cael gwell dealltwriaeth o’r ddarpariaeth hon i ddibenion ansawdd a rheoleiddio.

Nid yw Medr bellach yn mynnu bod darpariaeth TNE a dyfarniad yn y DU yn unig yn cael eu casglu ar gofnod myfyrwyr HESA o 2026/27 ac mae’n gohirio’r gofyniad i ddychwelyd y data hyn i Jisc ar sail unigol, nes y clywir yn wahanol. Yn lle hynny, rydym yn ei gwneud yn ofynnol i ddarparwyr ddychwelyd data TNE ar Gofnod Alltraeth Cyfun (AOR) HESA sydd wedi’i ehangu o 2026/27.

Mabwysiadwyd y dull hwn i gydnabod y byddai dychwelyd y data hyn ar sail unigol yn arbennig o heriol ar hyn o bryd, ac ar sail canlyniadau’r adolygiad annibynnol o weithrediad Dyfodol Data. Mae hefyd yn golygu y gallwn ganolbwyntio ar weithredu’r trefniadau i gasglu data myfyrwyr yn ystod y flwyddyn yn llwyddiannus.

Rydym wedi ysgrifennu at ddarparwyr i roi gwybod iddynt am y newid hwn.

Am ragor o wybodaeth, cysylltwch ag [email protected].

Mae gwybodaeth am Jisc a chofnod myfyrwyr HESA ar gael ar wefan HESA.

Cofrestriadau yn Narparwyr Addysg Uwch (DAUwyr) Cymru

• Roedd 150,680 o gofrestriadau yn DAUwyr Cymru yn 2023/24, 2% yn llai na’r 154,385 yn 2022/23.
• Fe ostyngodd nifer y cofrestriadau ar lefel israddedig lai nag 1%; o 111,745 yn 2022/23 i 111,320 yn 2023/24.
• Fe ostyngodd nifer y cofrestriadau ar lefel ôl-radd 8%; o 42,640 yn 2022/23 i 39,360 yn 2023/24. 
• Roedd 35% o fyfyrwyr ôl-radd yn astudio’n rhan-amser, o’i gymharu â 25% o israddedigion.
• Y grŵp pynciau mwyaf poblogaeth yn DAUwyr Cymru ar lefel israddedig ac ôl-radd yn 2023/24 oedd Busnes a rheoli.

Demograffeg

• Roedd 57% o gofrestriadau yn 2023/24 yn rhai gan fyfyrwyr benywaidd, yr un gyfran ag yn 2022/23.
• Roedd 20% o gofrestriadau yn 2023/24 yn rhai gan fyfyrwyr ag anabledd hysbys. Roedd hyn yn gynnydd o’i gymharu ag 17% yn y flwyddyn flaenorol.
• O’r myfyrwyr o’r DU y mae eu hethnigrwydd yn hysbys, roedd 16% o gofrestriadau yn 2023/24 yn rhai gan fyfyrwyr o gefndir ethnig leiafrifol. Mae hyn yn gynnydd o’i gymharu ag 14% yn 2022/23.
• Roedd 46% o gofrestriadau yn DAUwyr Cymru yn 2023/24 yn rhai gan fyfyrwyr yr oedd eu cyfeiriad parhaol ar adeg mynediad i’w cwrs yn gyfeiriad yng Nghymru. Roedd 35% arall o weddill y DU, 1% o’r UE ac roedd 17% o wledydd eraill.

Myfyrwyr sy’n hanu o Gymru a oedd wedi’u cofrestru yn Narparwyr Addysg Uwch (DAUwyr) y DU

• Roedd 103,185 o gofrestriadau gan fyfyrwyr o Gymru yn Narparwyr Addysg Uwch (DAUwyr) y DU yn 2023/24, 5% yn llai nag yn 2022/23. 
• Roedd 83,350 o’r cofrestriadau hyn ar lefel israddedig yn 2023/24, 3% yn llai nag yn 2022/23. Roedd 32% o fyfyrwyr israddedig yn astudio’n rhan-amser.
• Roedd 19,840 o’r cofrestriadau hyn ar lefel ôl-radd yn 2023/24, 10% yn llai nag yn 2022/23. Roedd 61% o fyfyrwyr ôl-radd yn astudio’n rhan-amser.

Demograffeg

• Roedd 62% o fyfyrwyr sy’n hanu o Gymru’n fyfyrwyr benywaidd, yr un gyfran ag yn  2022/23.
• Roedd gan 23% o fyfyrwyr sy’n hanu o Gymru anabledd hysbys yn 2023/24, sy’n gynnydd o’i gymharu â 21% yn 2022/23.
• O’r myfyrwyr y mae eu hethnigrwydd yn hysbys, roedd 11% o fyfyrwyr sy’n hanu o Gymru yn 2023/24 o gefndir ethnig leiafrifol, sy’n gynnydd o’i gymharu â 10% yn 2022/23.
• Fe ostyngodd nifer y cofrestriadau israddedig amser llawn o’r ardaloedd mwyaf amddifadus yng Nghymru (Cwintel 1 Mynegai Amddifadedd Lluosog Cymru (MALlC) 2019) 6%, o 9,940 o gofrestriadau yn 2022/23 i 9,385 o gofrestriadau yn 2023/24.
• Fe ostyngodd nifer y cofrestriadau israddedig amser llawn o’r ardaloedd lleiaf amddifadus yng Nghymru (Cwintel 5 MALlC 2019) 2% (o 15,195 o gofrestriadau yn 2022/23 i 14,855 o gofrestriadau yn 2023/24).

Llifoedd myfyrwyr amser llawn dros y ffin yn 2023/24

• Mae Cymru’n fewnfudwr net myfyrwyr amser llawn o weddill y DU. 
• Roedd 45,045 o fyfyrwyr amser llawn o wledydd eraill y DU yn DAUwyr Cymru, o’i gymharu â 27,785 o fyfyrwyr amser llawn o Gymru’n astudio mewn DAUwyr yng ngweddill y DU.
• Roedd 44% o israddedigion amser llawn o Gymru’n astudio mewn gwledydd eraill yn y DU. Roedd 38% o fyfyrwyr ôl-radd amser llawn o Gymru’n astudio mewn gwledydd eraill yn y DU.

Mae fframwaith y DU ar gyfer ymddygiad a llywodraethu da ym maes ymchwil wedi cael ei ail-lansio heddiw yn dilyn ymgynghoriad ac adolygiad ar ran y sector addysg uwch ac ymchwil.

Mae’r Concordat i Gefnogi Uniondeb Ymchwil wedi darparu fframwaith a dogfen gyfeirio ymarferol ar uniondeb ymchwil yn y DU i ymchwilwyr, cyflogwyr ymchwilwyr a noddwyr ymchwil ers 2012.

Er nad oes unrhyw newid i strwythur a gofynion sylfaenol y Concordat, ac ynddo bum ymrwymiad a phum egwyddor creiddiol, mae’r adolygiad wedi sicrhau ei fod yn parhau i fod:

• yn berthnasol yn sgil datblygiadau diweddar ym maes ymchwil yn y DU ac yn rhyngwladol, gan gynnwys datblygiadau technolegol.
• wedi’i alinio’n briodol â fframweithiau rhyngwladol ar gyfer llywodraethu ymchwil i gefnogi ymchwil a wneir mewn cyd-destunau rhyngwladol.
• mor ddefnyddiol ac ymarferol ag sy’n bosibl.

Mae Grŵp Llofnodwyr y Concordat Uniondeb Ymchwil (RICS), sy’n cynnwys Medr, a Phwyllgor Uniondeb Ymchwil y DU, wedi cytuno ar y Concordat a’r diweddariadau.

Ceir crynodeb o’r ymgynghoriad a’r newidiadau a wnaed mewn ymateb i hynny ar wefan UKCORI.

Dylai sefydliadau sy’n llunio datganiadau blynyddol yn rhan o’u hymrwymiad i’r Concordat ddefnyddio’r cynnwys diwygiedig erbyn mis Ebrill 2026; a pharhau i ddefnyddio’r templed adrodd datganiad blynyddol presennol.

Notes

• Gwybodaeth bellach: Y Concordat i Gefnogi Uniondeb Ymchwil – UKCORI
• Mae Pwyllgor Uniondeb Ymchwil y DU bellach yn darparu rôl letyol ac ysgrifenyddol i’r Concordat i Gefnogi Uniondeb Ymchwil a Grŵp Llofnodwyr y Concordat Uniondeb Ymchwil (RICS).
• Mae’r Pwyllgor yn gweithio’n agos gyda Grŵp RICS i gynllunio’r camau nesaf ac i gefnogi’r sector ymchwil i barhau i wella arferion yn gysylltiedig ag uniondeb.

Prif bwyntiau

• Fe astudiodd 4% o fyfyrwyr o leiaf un credyd yn Gymraeg yn 2022/23.
• Gostyngodd nifer y myfyrwyr a astudiodd o leiaf un credyd yn Gymraeg 3% o’i gymharu â 2021/22 a 5% o’i gymharu â 2020/21. Fodd bynnag, roedd yn dal i fod yn nifer uwch nag yn y tair blynedd cyn 2020/21.
• Gostyngodd cyfran y myfyrwyr a astudiodd o leiaf 5 credyd yn Gymraeg i 3% yn 2022/23, a oedd yn is nag yn unrhyw un o’r pum mlynedd flaenorol. Gostyngodd cyfran y myfyrwyr a astudiodd o leiaf 120 o gredydau yn Gymraeg islaw 1% yn 2022/23, a oedd yn is nag unrhyw un o’r pum mlynedd flaenorol.
• Fe astudiodd mwy na dwywaith cymaint o fyfyrwyr benywaidd o leiaf 1 credyd yn Gymraeg o’u cymharu â myfyrwyr gwrywaidd.
• Addysg a hyfforddiant oedd y pwnc modiwl â’r nifer uchaf a’r gyfran fwyaf o fyfyrwyr yn astudio o leiaf un credyd yn Gymraeg.
• Roedd yn hysbys bod 13% o’r myfyrwyr a oedd yn hanu o Gymru’n siaradwyr Cymraeg rhugl yn 2022/23.
• Fe gynyddodd nifer y staff addysgu a oedd wedi eu contractio i addysgu yn Gymraeg 1% i 565 yn 2022/23 ar ôl gostwng o un flwyddyn i’r llall ers 2018/19.

Cefndir

1. Mae Llywodraeth Cymru wedi cyhoeddi y bydd cyllid cyfalaf ychwanegol o £18.5m ar gael i’w ddyrannu ym mlwyddyn ariannol 2024-25. Bydd y cyllid hwn yn cael ei ddyrannu i gefnogi blaenoriaethau strategol gan gynnwys Sero Net/Datgarboneiddio, gwella cyfleusterau a symud yr agenda ddigideiddio yn ei blaen.

Sail dyraniadau cyllid cyfalaf

2. Bydd y cyllid cyfalaf yn cael ei ddyrannu yn seiliedig ar ddull fformiwläig. Gan y dylai’r cyllid gael ei ddefnyddio, yn rhannol o leiaf, i gefnogi dysgu ac addysgu, profiad myfyrwyr a’r seilwaith ar gyfer myfyrwyr, mae’r dyraniadau wedi cael eu pennu yn seiliedig ar niferoedd myfyrwyr. Mae nifer y myfyrwyr mewn sefydliad yn ddirprwy rhesymol ar gyfer faint o ystâd a chyfleusterau y mae eu hangen. Mae’r dull hwn yn gyson â dyraniadau cyfalaf blaenorol a weinyddwyd gan CCAUC.

3. Y niferoedd myfyrwyr a ddefnyddiwyd ar gyfer y dyraniad cychwynnol yw Myfyrwyr Cyfwerth ag Amser Llawn (CagALl) Cofnod Myfyrwyr HESA ar gyfer pob dull, lefel a gwlad y mae myfyrwyr yn hanu ohoni yn seiliedig ar flwyddyn academaidd 2022/23. Mae hon yr un sail ag a ddefnyddiwyd i ddyrannu’r cylch blaenorol o gyllid cyfalaf.

Cymhwyso isafswm dyraniad cyllid

4. Er mwyn darparu cyllid cyfalaf a fydd yn galluogi’r holl sefydliadau i fuddsoddi mewn prosiectau a fydd yn cael effaith gynaliadwy, fe gymhwyswyd isafswm dyraniad o £1,387,500. O ystyried ei hystâd gyfyngedig yng Nghymru, bydd isafswm o 50% (£693,750) wedi ei bennu fel trothwy ar gyfer y Brifysgol Agored i gyfrannu at brosiectau a fydd o fudd i fyfyrwyr Cymru.

5. Mae’r cyllid ar gyfer sefydliadau lle gwnaeth y dyraniad gwreiddiol yn seiliedig ar eu myfyrwyr CagALl gwympo islaw’r gwerth hwn wedi cael ei gynyddu i’r swm hwn ac mae’r myfyrwyr CagALl ar gyfer y sefydliadau hynny wedi cael eu tynnu allan o’r cyfrifiad wedyn. Mae gweddill y cyllid sydd ar gael wedi cael ei ddosrannu rhwng y sefydliadau eraill yn seiliedig ar y myfyrwyr CagALl sy’n weddill yn y cyfrifiad.

6. Caiff y dyraniadau canlyniadol ar gyfer pob sefydliad eu darparu yn Atodiad A.

Cadarnhad o’r gallu i wario

7. O ystyried y ffrâm amser gyfyngedig i ddosbarthu’r cyllid hwn, yn lle cynlluniau wedi eu cwmpasu’n llawn rydym yn disgwyl i sefydliadau gadarnhau trwy anfon e-bost i [email protected] eu bod yn gallu defnyddio eu dyraniad yn erbyn prosiectau perthnasol ym mlwyddyn ariannol 2024-25. Sylwer bod rhaid i’r rhain fod yn ddatblygiadau yng Nghymru (neu, yn achos digidol, prosiectau a fydd o fudd uniongyrchol i fyfyrwyr Cymru).

8. Pe bai sefydliad yn rhagweld na fydd yn gallu defnyddio ei ddyraniad llawn, dylai hysbysu Medr ar y cyfle cynharaf a bydd unrhyw arian sy’n weddill yn cael ei ailddyrannu i sefydliadau eraill trwy’r dull fformiwläig a ddisgrifiwyd yn flaenorol.

Monitro blynyddol

9. Bydd ymarfer monitro’n cael ei gynnal yn 2025 ar ddyddiad addas (yn yr hydref mwy na thebyg) i sicrhau bod y cyllid wedi cael ei ddefnyddio fel a fwriadwyd ac i ddarparu diweddariad ar yr effaith y mae’r buddsoddiad wedi ei chael.

10. Bydd disgwyl i sefydliadau ddarparu dadansoddiad o’r gwariant cyfalaf a manylu ar unrhyw brosiectau y mae’r cyllid wedi cyfrannu atynt.

11. Byddwn yn gofyn i sefydliadau ddarparu crynodeb ansoddol o’r effeithiau cadarnhaol y mae’r cyllid hwn wedi eu cael/yn eu cael ar flaenoriaethau Llywodraeth Cymru a’r meini prawf a nodir uchod.

Amserlen

12. Byddwn yn gofyn i ddarparwyr gadarnhau eu gallu i wario eu dyraniad llawn erbyn 19 Mawrth 2025.

13. Bydd Medr yn trefnu bod yr arian a ddyrennir yn cael ei dalu i sefydliadau ar ôl cael y cadarnhad uchod ac ar 20 Mawrth 2025.

14. Bydd y broses fonitro flynyddol yn digwydd yn 2025 ar ddyddiad addas.

Rhagor o wybodaeth

15. I gael rhagor o wybodaeth, cysylltwch â [email protected].

Atodiad A: Modelu cyllid cyfalaf ychwanegol addysg uwch 2024/25

Sefydliad	Niferoedd Myfyrwyr a CagALl 2022/23	Dyraniadau pro rata i (£): CagALl	Canran a ddyrennir i bob sefydliad CagALl
Prifysgol De Cymru	17,855	2,638,895	14%
Prifysgol Aberystwyth		1,387,500	8%
Prifysgol Bangor		1,387,500	8%
Prifysgol Caerdydd	28,015	4,140,325	22%
Prifysgol Cymru y Drindod Dewi Sant	12,600	1,861,787	10%
Prifysgol Abertawe	18,640	2,754,551	15%
Prifysgol Metropolitan Caerdydd	11,950	1,765,875	10%
Prifysgol Wrecsam		1,387,500	8%
Y Brifysgol Agored	7,960	1,176,067	6%
Cyfanswm	97,015	18,500,000	100%

Ffynhonnell: Cofnod myfyrwyr HESA 2022/23

Niferoedd Myfyrwyr nas defnyddiwyd yn y cyfrifiad: Poblogaeth gofrestru safonol HESA, pob dull, lefel a gwlad y mae myfyrwyr yn hanu ohoni.

Niferoedd Myfyrwyr CagALl a ddefnyddiwyd yn y cyfrifiad: Poblogaeth Sesiwn HESA, pob dull, lefel a gwlad y mae myfyrwyr yn hanu ohoni.

Sylwer bod gwerthoedd CagALl wedi cael eu talgrynnu yn dilyn eu defnyddio yn y cyfrifiadau.

Nodyn:

Mae ystadegau dysgu cymunedol awdurdodau lleol wedi’u tynnu o’r datganiad hwn oherwydd problemau’n gysylltiedig ag ansawdd data. Gweler yr wybodaeth am Ansawdd a Methodoleg am fanylion yr ymchwiliad sy’n cael ei gynnal i’r problemau ansawdd data, a’r ymdriniaeth â’r problemau hynny.

Diwygiwyd ar 26 Mawrth 2025

Mae’r gyfradd llwyddo ar gyfer gweithgareddau dysgu wedi cael ei diwygio yn y daenlen: Sta/Medr/07/2025 Adroddiadau deilliannau dysgwyr ar gyfer prentisiaethau o fis Awst 2023 i fis Gorffennaf 2024. Gwnaed y diwygiad am fod gweithgareddau Twf Swyddi Cymru+ wedi cael eu cynnwys yn anghywir yn yr adroddiad pan gafodd ei gyhoeddi’n wreiddiol ar 12 Mawrth 2025. Mae’r diwygiad yn effeithio ar y gyfradd llwyddo ar gyfer y tair blynedd sydd wedi’u cynnwys. Mae’r daenlen hon yn cynnwys dadansoddiadau ar gyfer darparwyr unigol.

Nid effeithir ar yr un o’r ffigurau yn y prif adroddiad na’r tablau sy’n cyd-fynd â’r adroddiad.

Nid effeithir ar gyfradd llwyddo’r fframwaith ar gyfer prentisiaethau.

Prif bwyntiau

• Cynyddodd cyfradd llwyddo prentisiaethau yn 2023/24 i 74%. Mae’n dal yn is na’r gyfradd cyn pandemig Covid-19.
• Prentisiaethau lefel sylfaen a ddangosodd yr adferiad cryfaf yn 2023/24.
• Mae’r gyfradd llwyddo ar gyfer prentisiaethau uwch yn llawer is nag ar gyfer lefelau eraill, a dyna’r gyfradd lle gwelwyd yr adferiad lleiaf ers y pandemig.
• Ni wnaeth prentisiaid uwch ond pasio ychydig dros hanner y gweithgareddau sgiliau hanfodol cymhwyso rhif a gwblhawyd ganddynt.
• Bu cynnydd yn y gyfradd llwyddo gyffredinol yn y sectorau mwy canlynol:
  • Gofal Iechyd a Gwasanaethau Cyhoeddus;
  • Peirianneg;
  • Lletygarwch.
• Ymhlith y sectorau mwy, gostyngodd y gyfradd llwyddo mewn:
  • Adeiladu;
  • Rheolaeth a Phroffesiynol.
• Mae’r bwlch yn y gyfradd llwyddo rhwng dysgwyr yn yr ardaloedd mwyaf a lleiaf amddifadus yn cau.
• Bu cynnydd mawr yng nghyfradd llwyddo dysgwyr ar draws cefndiroedd lleiafrifol ethnig.
• Cafwyd cyfradd llwyddo uwch na’r cyffredin mewn gweithgareddau prentisiaeth a gwblhawyd yn gyfan gwbl yn Gymraeg.

Cyfradd llwyddiant prentisiaethau yn ôl blwyddyn academaidd

Disgrifiad: Mae’r gyfradd llwyddo prentisiaethau yn parhau i adfer yn dilyn y pandemig. Ceir bwlch o hyd rhwng y gyfradd llwyddo gyfredol a’r cyfraddau llwyddo cyn y pandemig.

Data ar StatsCymru

Nodyn

Mae ystadegau dysgu cymunedol awdurdodau lleol wedi cael eu tynnu o’r datganiad hwn oherwydd problemau’n gysylltiedig ag ansawdd data. Gweler yr wybodaeth am Ansawdd a Methodoleg am fanylion yr ymchwiliad sy’n cael ei gynnal i’r problemau ansawdd data, a’r ymdriniaeth â’r problemau hynny.

Nid yw’r problemau ansawdd data yn berthnasol i unrhyw ddata dysgu cymunedol a gyflwynir gan golegau. Mae dysgu cymunedol lle bo colegau’n ddarparwyr arweiniol yn dal wedi’i gynnwys yn yr adroddiad yn rhan o addysg bellach ran-amser.

Prif bwyntiau

• Roedd 155,580 o ddysgwyr mewn addysg bellach, prentisiaethau neu ddarpariaeth dysgu arall seiliedig ar waith yn ystod blwyddyn academaidd 2023/24.
• Mae niferoedd dysgu rhan-amser yn gwella, ar ôl dirywiad hir.
• Bu gostyngiad o 5% yn nifer y prentisiaethau a ddechreuwyd, o gymharu â’r flwyddyn gynt.
• Mae prentisiaethau Lefel 3 ar gynnydd, a phrentisiaethau sylfaen yn gostwng, o gymharu â’r flwyddyn gynt.
• Mae mwy o ddysgwyr yn astudio o leiaf yn rhannol yn Gymraeg.
• Bu cynnydd mewn gweithgareddau Paratoi am Fywyd a Gwaith.
• Bu cynnydd yng nghanran y cyrsiau dysgu seiliedig ar waith a ddilynwyd gan ddysgwyr o gefndiroedd lleiafrifol ethnig heblaw Gwyn.
• Mae dysgwyr a gafodd brofiad o amddifadedd yn ystod yr ysgol uwchradd yn llai tebygol o ddilyn cymwysterau Safon Uwch.

Dysgwyr yn ôl math o ddysgu a darparydd

• Disgrifiad: Roedd 130,745 o ddysgwyr mewn colegau. Roedd yna 47,855 o brentisiaid, wedi’u rhannu rhwng colegau a darparwyr hyfforddiant eraill.
• [Nodyn 1]: Bydd rhai dysgwyr wedi astudio gyda sawl math o ddarparydd.
• Data yn Nhabl 1.1 ar y daenlen atodol

Mae addysg bellach yn cynnwys dysgwyr sy’n astudio Safon Uwch a chymwysterau cyffredinol eraill, yn ogystal â dysgwyr sy’n astudio cymwysterau galwedigaethol (er enghraifft cymwysterau BTEC).

Mae ‘dysgu arall seiliedig ar waith’ yn cynnwys cymwysterau pontio i bobl sy’n gweithio gyda phlant mewn lleoliadau chwarae neu ofal plant.