Crynodeb

1. Mae’r cyhoeddiad hwn yn cynnwys trefniadau ar gyfer Arolwg Cenedlaethol o Fyfyrwyr 2026 (Tabl 1), a’r camau gweithredu y bydd angen i ddarparwyr eu cymryd (Tabl 2). Mae’r allrwyd yr Arolwg yn cynnwys manylion llawn am gyflwyno data.

Tabl 1: Amserlen yr Arolwg

Date	Cam gweithredu
22 Hydref 2025	Ipsos i roi canllaw ar baratoi ar gyfer Arolwg 2026 a chanllaw arferion da i ddarparwyr
07 Ionawr 2026	Bydd yr Arolwg yn lansio
08 Ionawr 2026	Gwaith maes yr Arolwg yn dechrau
30 Ebrill 2026	Gwaith maes yr Arolwg yn dod i ben
08 Gorffennaf 2026	Dyddiad dros dro ar gyfer cyhoeddi’r canlyniadau

Tabl 2: Crynodeb o’r camau gweithredu y bydd angen i ddarparwyr eu cymryd

Date	Cam gweithredu
28 Tachwedd 2025	Adolygu a diweddaru manylion cyswllt ar gyfer yr Arolwg
28 Tachwedd 2025	Llenwi ffurflen ‘fy opsiynau ar gyfer yr Arolwg’
28 Tachwedd 2025	Cyflwyno templedi enghreifftiol ar gyfer Arolwg 2026 ynghyd â manylion cyswllt myfyrwyr cymwys

Arolwg Cenedlaethol o Fyfyrwyr 2026

2. Mae’r cyhoeddiad hwn yn nodi’r trefniadau ar gyfer Arolwg Cenedlaethol o Fyfyrwyr (yr Arolwg) 2026 a’r camau gweithredu y bydd angen i’r darparwyr sy’n cymryd rhan eu cymryd. Mae’r cyhoeddiad llawn a’r dogfennau cynorthwyol ar gael trwy allrwyd yr Arolwg.

3. Cynhelir yr Arolwg ledled y DU gyfan er mwyn i fyfyrwyr addysg uwch sydd yn eu blwyddyn olaf roi adborth ar eu cyrsiau. Caiff yr Arolwg ei reoli gan y Swyddfa Fyfyrwyr ar ran pedwar corff cyllido a rheoleiddio’r DU.

4. Mae’r Arolwg hefyd yn rhoi gwybodaeth i ddarpar fyfyrwyr er mwyn eu helpu i ddod o hyd i’r cwrs cywir, ac yn rhoi data i brifysgolion a cholegau er mwyn eu helpu i wella profiad myfyrwyr.

5. Caiff yr Arolwg ei gynnal ar ran cyrff cyllido a rheoleiddio’r DU gan:

• Ipsos, a fydd yn gweinyddu’r Arolwg
• CACI Limited, a fydd yn cynnal y porth lledaenu data ar gyfer darparwyr

6. Mae’r Arolwg yn elfen allweddol o’r dirwedd sicrhau ansawdd a rheoleiddio ehangach yng Nghymru. Rhaid i ddarparwyr addysg uwch a reoleiddir neu a ariennir gan Medr gymryd rhan yn yr Arolwg. Mae hyn er mwyn sicrhau y caiff poblogaethau myfyrwyr amrywiol eu cynrychioli, a bod darparwyr yn ystyried eu dyletswydd Dyddodiad Cydraddoldeb Sector Cyhoeddus (PSED) i hyrwyddo cyfleoedd cyfartal, dileu gwahaniaethu anghyfreithlon, meithrin perthnasoedd da a hyrwyddo cydraddoldeb.

Arolwg 2026

7. Bydd holiadur Arolwg 2026 yr un peth â holiadur Arolwg 2025. Caiff yr Arolwg ei gynnal ledled Cymru, Lloegr, Gogledd Iwerddon a’r Alban. Bydd y cwestiwn ar ryddid mynegiant yn cael ei ofyn i fyfyrwyr sy’n astudio yn Lloegr yn unig a bydd y cwestiwn ar foddhad cyffredinol yn cael ei ofyn i fyfyrwyr yng Nghymru, yr Alban a Gogledd Iwerddon yn unig. Wnaeth cynghorau ariannu a rheoleiddio’r DU gymryd rhan mewn peilot gwaith maes byrrach yr Arolwg 2025 wrth ochor a’r amserlen gwaith maes safonol i brofi dull i leihau’r risg o unrhyw ostyngiad yn gyfraddau ymateb yr Arolwg. Mae OfS yn ystyried canfyddiadau’r peilot a sut i ymdrin â chyfnod gwaith arolwg byrrach yn y dyfodol. Disgwyli’r i’r cyfnod arolwg byrrach ddechrau yn ystod blwyddyn academaidd 2027-28 i bob darparwr, i gyd-fynd a dyddiad llofnodi hwyr i ddychweliad myfyrwyr. Fodd bynnag, ar gyfer yr Arolwg 2026 rydym yn parhau gyda’r amserlen gwaith maes arferol.

8. Cynhaliodd yr OfS arolwg ymddygiad rhywiol amhriodol, yn Lloegr yn unig gan ddefnyddio llwyfan yr Arolwg 2025. Cyhoeddwyd dadansoddiad o ganlyniadau’r arolwg a data ar lefel sector ym mis Medi 2025.  

9. Mae’r rhestr lawn o gwestiynau Arolwg 2026 a’r graddfeydd ymateb i’w gweld ar wefan y Swyddfa Fyfyrwyr.

10. Bydd Ipsos yn gweinyddu’r Arolwg ar ran y Swyddfa Fyfyrwyr a Medr. Bydd yn gyfrifol am gysylltu â myfyrwyr, cyfrannu at hyrwyddo’r Arolwg a rhoi data wedi’u glanhau i’r Swyddfa Fyfyrwyr a chyrff cyllido.

11. Fel rhan o’i rôl, bydd Ipsos yn cysylltu’n uniongyrchol â darparwyr ynglŷn â gweinyddu’r Arolwg, ac yn helpu i gynnal yr Arolwg drwy wneud y canlynol:

• cynnig arweiniad ar fanylion penodol rhaglen yr Arolwg, megis yr wythnos pan fydd yn dechrau, dethol cwestiynau dewisol a chwestiynau i ddarparwyr penodol
• ar gyfer darparwyr sy’n hyrwyddo’r Arolwg:
  • darparu deunyddiau marchnata â brand yr Arolwg arnynt a rhoi cyngor i ddarparwyr ar lunio eu deunyddiau eu hunain.
  • hwyluso cynlluniau cymhelliant darparwyr er mwyn annog myfyrwyr i gymryd rhan yn yr arolwg.

12. Ceir rhagor o wybodaeth am farchnata a hyrwyddo’r Arolwg yn y canllaw arferion da gan Ipsos.

13. Caiff darparwyr eu gwahodd i ddewis un wythnos allan o bump pan all Ipsos lansio’r Arolwg ar gyfer eu myfyrwyr. Ni fydd Ipsos yn cyfathrebu â myfyrwyr y tu allan i’r amseroedd y cytunir arnynt gyda darparwyr unigol.

Hyrwyddo’r Arolwg a monitro’r ymatebion

14. Mae’n ofynnol i ddarparwyr yng Nghymru hyrwyddo’r Arolwg i fyfyrwyr. Rydym yn disgwyl i ddarparwyr sy’n hyrwyddo’r Arolwg sicrhau eu bod yn osgoi unrhyw ddylanwad amhriodol ac yn glynu wrth y canllawiau ar farchnata a hyrwyddo’r Arolwg.

15.Yn ystod gwaith maes yr Arolwg, caiff yr ymatebion eu monitro, a gwneir gwaith dilynol wedi’i dargedu er mwyn sicrhau y caiff trothwyon cyhoeddi eu cyrraedd. Ddechrau mis Mawrth, yn ogystal â’r gwaith dilynol wedi’i dargedu, caiff pob darparwr sydd mewn perygl o beidio â chyrraedd y trothwy cyhoeddi ei ychwanegu at y cyfnod hybu, a fydd yn arwain at anfon negeseuon atgoffa drwy e-bost a neges SMS ychwanegol at fyfyrwyr nad ydynt wedi ymateb. Bydd y cyfnod hybu’n dechrau’n awtomatig os bydd cyfradd ymateb darparwr yn is na 43 y cant erbyn canol mis Mawrth, a bydd yn parhau i rai tan ganol mis Ebrill. Mae’r amserlen ar gyfer y gwaith maes wedi’i nodi yng nghanllaw paratoi Ipsos i ddarparwyr, sydd ar gael ar allrwyd Ipsos ar gyfer yr Arolwg.

Costau’r arolwg

16. Bydd Medr yn talu costau’r Arolwg ar gyfer darparwyr cymwys yng Nghymru.

Amserlen yr Arolwg

17. Caiff yr Arolwg ei gynnal fel y nodir yn Nhabl 3.  

Tabl 3: Amserlen yr Arolwg

Dyddiad	Action
22 Hydref 2025	Ipsos i roi canllaw ar baratoi ar gyfer Arolwg 2026 a chanllaw arferion da i ddarparwyr
07 Ionawr 2026	Bydd yr Arolwg yn lansio
08 Ionawr 2026	Gwaith maes yr Arolwg yn dechrau
30 Ebrill 2026	Gwaith maes yr Arolwg yn dod i ben
08 Gorffennaf 2026	Dyddiad dros dro ar gyfer cyhoeddi’r canlyniadau

18. Caiff y canlyniadau eu cyhoeddi ar wefan y Swyddfa Fyfyrwyr ar 08 Gorffennaf 2026 am 0930. Caiff canlyniadau manwl eu rhannu â darparwyr unigol drwy borth lledaenu data’r Arolwg a gynhelir gan CACI Limited ar 08 Gorffennaf 2026 am 0930. Bydd y ffordd y caiff canlyniadau Arolwg 2026 eu cyhoeddi a’u lledaenu yn dibynnu ar gytundeb terfynol gan gyrff cyllido a rheoleiddio’r DU yn dilyn yr adolygiad o ansawdd y data.

19. Caiff canlyniadau’r Arolwg ar lefel cyrsiau eu cyhoeddi ar wefan Discover Uni.

Camau gweithredu i ddarparwyr ar gyfer Arolwg 2026

20. Gofynnir i bob darparwr sy’n cymryd rhan gymryd y camau gweithredu a amlinellir yn Nhabl 4.

Tabl 4: Camau gweithredu y bydd angen i ddarparwyr eu cymryd

Date	Action
28 Tachwedd 2025	Yr holl ddarparwyr cymwys i adolygu a diweddaru manylion cyswllt ar gyfer y prif bwyntiau cyswllt a’r pwyntiau cyswllt eilaidd enwebedig ar gyfer cysylltu ynglŷn â’r Arolwg. Dylid darparu’r wybodaeth gan ddefnyddio’r ffurflen ‘Fy manylion’ ar allrwyd Ipsos ar gyfer yr Arolwg.
28 Tachwedd 2025	Yr holl ddarparwyr cymwys i lenwi’r ffurflen ‘fy opsiynau ar gyfer yr Arolwg’ sy’n gofyn i ddarparwyr gadarnhau’r canlynol; * ym mha wythnos yr hoffent i’r Arolwg gael ei lansio * setiau cwestiynau dewisol * p’un a fyddant yn cymryd rhan mewn unrhyw gystadlaethau am wobrau
28 Tachwedd 2025	Yr holl ddarparwyr cymwys i gyflwyno eu templedi enghreifftiol ar gyfer Arolwg 2026 ynghyd â manylion cyswllt myfyrwyr cymwys Rhestr yw hon o’r holl fyfyrwyr sy’n gymwys ar gyfer Arolwg 2026, yn seiliedig ar ddata myfyrwyr 2024-25. Dylid darparu’r manylion drwy’r adran ‘Lanlwytho data enghreifftiol’ ar allrwyd Ipsos ar gyfer yr Arolwg. Yn achos unrhyw gynigion i ychwanegu myfyrwyr at y rhestr darged neu ddileu enwau ohoni, dylid dilyn y broses a amlinellir gan Ipsos.

21. Gofynnir i’r holl ddarparwyr sy’n cymryd rhan gwblhau’r camau gweithredu uchod erbyn 28 Tachwedd 2025. Mae cyfarwyddiadau ar sut i ddarparu’r wybodaeth hon wedi’u cynnwys yn y canllaw ar baratoi ar gyfer Arolwg 2026, y bydd Ipsos yn ei roi i bwyntiau cyswllt darparwyr ac sydd hefyd ar gael ar allrwyd Ipsos ar gyfer yr Arolwg. Mae’r canllawiau’n cynnwys gwybodaeth am weinyddu’r Arolwg, cyfrifoldebau allweddol a dyddiadau.

22. Ceir canllawiau manwl ar Arolwg 2026 a’r camau gweithredu y gofynnir i’r holl ddarparwyr yng Nghymru eu cymryd wrth ddychwelyd data myfyrwyr i HESA ar allrwyd Arolwg Ipsos.

Cymorth pellach a phwyntiau cyswllt

Tabl 5: Pwyntiau cyswllt ar gyfer yr Arolwg

Sefydliad	Cyfeiriad e-bost	Pwynt cyswllt cyntaf ar gyfer ymholiadau ynghylch
Ipsos	[email protected]	Cynnal yr Arolwg, gan gynnwys: * Paratoi ar gyfer yr Arolwg a’i hyrwyddo * Rhestrau targed myfyrwyr * Cwestiynau dewisol * Cynlluniau cymhelliant
CACI Limited	Gellir cysylltu â thim cymorth yr Arolwg trwy’r ffurflen Cysylltu â Chymorth ar borth data’r Arolwg	Canlyniadau manwl darparwyr ar borth lledaenu data’r Arolwg
Y Swyddfa Fyfyrwyr	[email protected] [email protected]	Meysydd megis: * Polisi a datblygu’r Arolwg * Defnyddio’r canlyniadau yn y dyfodol * Honiadau o ddylanwad amhriodol
Medr	[email protected]	Unrhyw ymholiadau eraill ynglŷn â’r ffordd y caiff yr Arolwg ei gynnal yng Nghymru

Cefndir

1. Mae Deddf Addysg Drydyddol ac Ymchwil (Cymru) 2022 (‘Y Ddeddf’) yn nodi’r gofynion o ran system reoleiddio newydd ar gyfer darparwyr addysg drydyddol a hyfforddiant yng Nghymru. Cyhoeddwyd yr ymgynghoriad hwn i ateb y gofynion canlynol yn Neddf Addysg Drydyddol ac Ymchwil (Cymru) 2022:

• 27 (5) Amodau Cofrestru Cychwynnol;
• 28 (7) Amodau Cofrestru Parhaus Cyffredinol;
• 40 (2) Darpariaeth atodol ynghylch cyfarwyddydau o dan adran 39;
• 50 (4) Fframwaith Sicrhau Ansawdd;
• 81 (3) Datganiad ar Swyddogaethau Ymyrryd;
• 126 (6) Cynlluniau Diogelu Dysgwyr, a;
• 129 (5) Cod Ymgysylltu â Dysgwyr.

Trosolwg

2. Mae’r ymgynghoriad hwn yn ceisio barn ynglŷn â’r canlynol a gynigir gan Medr:

• Datganiad o Bwerau Ymyrryd, sy’n egluro’r pwerau ymyrryd statudol a amlinellir yn y Ddeddf (Atodiad A);
• Fframwaith Rheoleiddio sy’n nodi ein dull rheoleiddiol, ein dull o fonitro a’r set lawn o Amodau Cofrestru ac Amodau Cyllid drafft a’r broses y mae’n rhaid ei dilyn i adrodd wrth Medr am ddigwyddiadau a pha fathau o ddigwyddiadau y mae’n rhaid adrodd wrth Medr amdanyn (Atodiad B);
• Fframwaith Ansawdd, sy’n tanategu gofynion yr amodau a’r trefniadau monitro mewn perthynas ag ansawdd (Atodiad C);
• Cod Ymgysylltu â Dysgwyr, sy’n cynorthwyo darparwyr a Medr i sicrhau bod y sector addysg drydyddol yn canolbwyntio ar anghenion y dysgwr a sicrhau bod yr holl ddysgwyr yn cael cyfleoedd i ymgysylltu â phrosesau penderfynu eu darparwr (Atodiad D);
• Dogfen Cwestiynau Cyffredin sy’n nodi rhai o’r ymholiadau cyffredin yr ydym wedi’u cael yn ystod gweithgarwch ymgysylltu a gwaith ymgynghori ffurfiol (Atodiad E); and
• Rhestr termau ar gyfer y dogfennau ymgynghori (Atodiad F).

Dull ymgynghori

3. Gwahoddir ymatebion i’r ymgynghoriad trwy ein harolwg ar-lein. Mae’r cwestiynau a amlinellir yn y ddogfen ymgynghoriad (cyhoeddiad Medr/2025/25) yn darparu amlinelliad o strwythur bras yr arolwg. Bydd rhai agweddau ar yr arolwg yn fwy perthnasol i wahanol fathau o ddarparwr yn y sector trydyddol – bydd y cwestiynau’n eich tywys trwy hyn, a bydd gan ddysgwyr y gallu i gadw eu hymatebion a dychwelyd atynt.

Digwyddiadau

4. Yn ystod y cyfnod ymgynghori byddwn yn cynnal dau ddigwyddiad yn y cnawd a fydd yn rhoi cyfle i glywed gan ein staff am ddatblygiad y system newydd a’r cwestiynau allweddol yr ydym yn eu gofyn i’r holl ddarparwyr a rhanddeiliaid yn ein hymgynghoriad.

• Digwyddiad 1 (De Cymru): 20 Tachwedd 2025 – lleoliad i’w gadarnhau

• Digwyddiad 2 (Gogledd Cymru): 27 Tachwedd 2025 – lleoliad i’w gadarnhau

Byddwn yn cadarnhau’r lleoliadau ar gyfer y digwyddiadau ymhen ychydig, a byddwch yn gallu archebu eich lle trwy ein tudalen Eventbrite.

Amserlen

5. Gwahoddir rhanddeiliaid i gyflwyno eu hymatebion i’r ymgynghoriad trwy ein harolwg erbyn 17.00 ar 17 Rhagfyr 2025.

6. I gael rhagor o wybodaeth, cysylltwch â [email protected].

Cyflwyniad

1. Mae’r cyhoeddiad hwn yn gwahodd ceisiadau i Gronfa Datblygu Strategol Medr ac ynddi £5m sydd ar gael ar gyfer blwyddyn academaidd 2025/26.

2. Mae’r cyhoeddiad hwn yn amlinellu’r themâu y dylai prosiectau eu trafod er mwyn bod yn gymwys i gael eu hystyried ar gyfer cyllid, ac yn disgrifio’r prosesau a’r amserlenni ar gyfer cyflwyno ceisiadau a’u hasesu, yn ogystal â threfniadau i fonitro ceisiadau llwyddiannus.

Y cefndir

3. Mae’n annhebygol y bydd y cyllid hwn ar gael yn rheolaidd, felly rydym yn creu cronfa untro i’w ddosbarthu drwy broses ymgeisio.

4. Diben y cyllid hwn yw annog mwy o gydweithio o fewn y sector addysg drydyddol. Bydd y broses dendro hefyd yn ein galluogi i gasglu gwybodaeth gan y sector am y math o brosiectau a allai fod yn bosibl drwy fuddsoddi’n strategol, fel sail wrth gynllunio i’r dyfodol.

5. Mae £5m wedi’i bennu i’r gronfa fel man cychwyn.

Blaenoriaethau’r gronfa

6. Dylid cyflwyno ceisiadau am brosiectau i ddatblygu datrysiadau neu ymagweddau sy’n ymdrin â’r holl bwyntiau bwled isod, ac o leiaf un o nodau strategol Medr:

• Cydweithio – prosiectau sy’n dangos cydweithio ar draws y sector trydyddol rhwng dau sefydliad o leiaf. Bydd cydweithio ar draws gwahanol rannau o’r sector yn cael ei bwysoli’n uwch yn y matrics sgorio na chydweithio rhwng yr un math o ddarparwyr. Er hynny, byddwn yn croesawu ceisiadau sy’n adlewyrchu pob math o gydweithio.
• Newydd – rhaid i weithgaredd y prosiect fod yn newydd ac ni all unrhyw ran o’r prosiect fod wedi’i dechrau eisoes. Fodd bynnag, efallai y bydd y partneriaid dan sylw wedi cydweithio’n flaenorol, neu’n rhan o drefniant cydweithio sydd wedi’i sefydlu. Gellir cyflwyno ceisiadau hefyd am gyllid i fwrw ymlaen â gweithgaredd sydd eisoes wedi’i gwmpasu, ond ni cheir defnyddio’r cyllid i dalu costau a ysgwyddwyd eisoes.
• Strategol – rhaid i’r prosiect fod yn gysylltiedig ag uchelgeisiau strategol Medr, a nodir isod. Bydd prosiectau sy’n gysylltiedig ag amryw o nodau wedi’u pwysoli’n uwch na phrosiectau sy’n gysylltiedig â mwy nag un nod.

Nod strategol 1:	Rhoi lle creiddiol i anghenion y dysgwr yn y sector addysg drydyddol.
Nod strategol 2:	Creu system drydyddol hyblyg a chydgysylltiedig lle gall pawb ennill y sgiliau a’r wybodaeth sydd eu hangen arnynt ar gyfer economi a chymdeithas newidiol.
Nod strategol 3:	Sicrhau bod dysgwyr yn cael darpariaeth o’r safon uchaf mewn sector addysg drydyddol sy’n ymdrechu i wella’n barhaus.
Nod strategol 4:	Tyfu ymchwil o fri rhyngwladol a rhoi ysbrydoliaeth i arloesi drwyddi draw yn y sector addysg drydyddol.
Nod strategol 5:	Hybu mwy o ddefnydd o’r Gymraeg, a chynyddu’r galw am ddysgu ac asesu drwy gyfrwng y Gymraeg, a chyfranogiad yn hynny.

7. Rhaid i’r partner arweiniol sy’n cyflwyno’r cais fod yn brifysgol, yn goleg addysg bellach, awdurdod lleol neu ddarparwr prentisiaethau sy’n cael ei ariannu’n uniongyrchol gan Medr. Gellir cynnwys sefydliadau eraill sy’n gweithio o fewn y sector trydyddol yng Nghymru fel partneriaid cydweithredol. Dylai pob cais fod yn gais am un prosiect sydd wedi’i ddiffinio. Er mwyn rheoli nifer y cynigion a gyflwynir, a’r capasiti o fewn y sector i fwrw ymlaen â gweithgarwch ystyrlon, gall un sefydliad gyflwyno neu fod yn bartner mewn uchafswm o ddau gais.

8. Nid oes terfyn ar y swm fesul cais, ond wrth ddyrannu cyllid byddwn yn ceisio sicrhau bod y gronfa yn ei chyfanrwydd o fudd i bob rhan o Gymru, a sicrhau bod pob prosiect llwyddiannus yn derbyn digon o gyllid i greu effaith. Er mwyn cyflawni hyn, efallai y byddwn yn dyfarnu swm llai o gyllid na’r hyn y gofynnir amdano ar gyfer prosiect unigol.

Proses

9. Dylid cyflwyno ceisiadau drwy ddefnyddio’r templed yn Atodiad A. Dylai ceisiadau gynnwys:

• Nodau’r prosiect.
• Sail resymegol sy’n esbonio sut mae’r prosiect yn mynd i’r afael â’r themâu uchod a strategaeth ymadael y prosiect. Yn ogystal â hyn, bydd yn ofynnol ichi gwblhau gwerthusiad diwedd prosiect, gweler Atodiad C.
• Crynodeb o gyflawniad y prosiect sy’n amlinellu graddfeydd amser a nodiadau ynghylch sut y bydd y prosiect yn ymgysylltu â dysgwyr a’r undebau llafur.
• Ystyriaeth o’r risgiau posibl sy’n gysylltiedig â’r prosiect.
• Disgrifiad o allbynnau a chanlyniadau.
• Cynlluniau i effaith a chanlyniadau’r prosiect fod yn gynaliadwy am y tymor hir.
• Cyfanswm y cyllid sydd ei angen ar gyfer y prosiect a dadansoddiad cryno o’r gwariant arfaethedig, gan gynnwys natur y costau a’r amserlen ar gyfer y gwariant. Bydd angen i holl gostau’r prosiect fod wedi’u hymrwymo erbyn 31 Gorffennaf 2026 fan bellaf.
• Crynodeb i esbonio sut mae asesiad o’r effaith ar gydraddoldeb, gofynion Safonau’r Gymraeg, a’r nodau, yr egwyddor datblygu cynaliadwy a’r ffyrdd o weithio yn Neddf Llesiant Cenedlaethau’r Dyfodol wedi llywio’r cais.

10. Dylid cyflwyno ceisiadau drwy e-bost i [email protected] erbyn 10 Tachwedd 2025.

11. Bydd panel sy’n cynnwys Cyfarwyddwyr Medr yn asesu’r cynigion ac yn cyflwyno argymhellion i’r Bwrdd ynghylch dyrannu’r cyllid. Bydd y meini prawf a ddefnyddir i benderfynu pa geisiadau i’w cyllido yn cynnwys:

• Y graddau y mae pob cais yn ymdrin â nodau strategol Medr.
• Cynaliadwyedd tebygol effaith a chanlyniadau’r prosiect.
• Y graddau y bydd rhanddeiliaid yn cael eu cynnwys yn y broses o greu a gweithredu’r prosiect.
• Yr angen i sicrhau bod y gronfa yn ei chyfanrwydd yn creu budd i bob rhan o Gymru.
• Gwerth am arian.

12. Os na allwn ddyrannu gwerth llawn y gronfa yn y cylch cyntaf hwn,  naill ai oherwydd ansawdd neu nifer y ceisiadau a ddaw i law, rydym yn cadw’r hawl i gyhoeddi ail gylch ceisiadau.

Monitro

13. Bydd yn ofynnol i brosiectau gwblhau adroddiad prosiect interim hanner ffordd drwy’r prosiect, ac adroddiad prosiect terfynol ar ddiwedd y prosiect drwy ddefnyddio’r templedi yn Atodiad B.

14. Fel amod yn gysylltiedig â’r cyllid, disgwylir y bydd yr hyn a ddysgir o’r prosiect yn cael ei rannu. O’r gwaith monitro a nodir yn Atodiad B, byddwn yn nodi’r gwersi a ddysgwyd ac yn rhannu hynny ar draws y rhwydwaith. Yn ogystal â hyn, byddem yn croesawu ceisiadau am brosiectau sy’n cynnwys esboniad ynghylch sut y byddech yn disgwyl rhannu’r hyn a ddysgwyd.

Amserlen

15. Bydd Medr yn rhannu amserlen dalu cyn gynted ag y bo’r prosiectau wedi’u cytuno.

Rhyddhau’r dogfennau	17 Hydref 2025
Dyddiad cau ar gyfer cyflwyno ceisiadau	10 Tachwedd 2025
Rhannu canlyniadau’r asesiad	Rhagfyr 2025

Rhagor o wybodaeth

16. Am ragor o wybodaeth, cysylltwch â [email protected].

Cyflwyniad

1. Mae’r cyhoeddiad hwn yn nodi ein bwriadau yn 2025/26 i ddyrannu:

• £4,050,000 o gyllid uniongyrchol i’r sector addysg bellach (AB) ar gyfer blwyddyn academaidd 2025/26 i gefnogi mentrau iechyd meddwl a llesiant ar gyfer dysgwyr a staff;
• 350,000 yn ychwanegol i gefnogi mentrau llesiant emosiynol a meddyliol staff a myfyrwyr AB ar lefel genedlaethol; a’r
• cyllid iechyd a llesiant ychwanegol i gefnogi cyd-brosiectau addysg bellach ac addysg uwch.

2. Mae’r cyhoeddiad hwn yn adeiladu ar ganllawiau a gyhoeddwyd yn flaenorol gan Lywodraeth Cymru i gefnogi nod Medr o sicrhau cyfnod pontio didrafferth i ddarparwyr a dysgwyr wrth i Medr ymgymryd â’i ddyletswyddau a’i gyfrifoldebau newydd.

3. Mae dyletswydd strategol ar Medr i hyrwyddo cyfle cyfartal mewn addysg drydyddol a bydd yn cyflwyno amod cofrestru sy’n ymwneud â lles staff a myfyrwyr/dysgwyr. Noda Bil Addysg Drydyddol ac Ymchwil (Cymru): Memorandwm Esboniadol:

‘Bydd yr amodau cychwynnol a pharhaus yn ymwneud â chefnogaeth ar gyfer a hyrwyddo lles myfyrwyr a staff yn cyflwyno gofynion rheoleiddiol newydd i ddarparwyr y rhagwelwyd y byddent yn cwmpasu materion fel iechyd meddwl, llesiant a diogelwch dysgwyr a staff yn y darparwr. Bydd yn ofynnol i’r Comisiwn nodi a chyhoeddi gofynion y mae’n rhaid i ddarparwyr cofrestredig eu bodloni o ran eu trefniadau mewn perthynas â’r amodau cychwynnol a pharhaus. O ran lles myfyrwyr a staff, rhagwelir y byddai’r ‘trefniadau’ yn cynnwys polisïau, gweithdrefnau a gwasanaethau cymorth ar gyfer llesiant a diogelwch myfyrwyr a staff. Yn y cyd-destun hwn, mae ‘llesiant’ yn golygu llesiant emosiynol ac iechyd meddwl ac mae ‘diogelwch’ yn golygu rhyddid rhag niwed gan gynnwys aflonyddu, camymddwyn, trais (gan gynnwys trais rhywiol), a throseddau casineb.’

4. Yn 2024, cyhoeddodd Gweinidogion Cymru eu datganiad o flaenoriaethau strategol ar gyfer addysg drydyddol ac ymchwil ac arloesi sy’n cynnwys blaenoriaeth i Medr greu fframwaith cyffredin ar gyfer cymorth iechyd meddwl a llesiant ar draws addysg drydyddol.

5. Ym mis Mawrth 2025, cyhoeddodd Medr ei Gynllun Strategol ar gyfer 2025-30 ac ym mis Mehefin 2025 cyhoeddodd ei gynllun gweithredol ar gyfer blwyddyn ariannol 2025-26.

6. Mae’r Cynllun Strategol yn cynnwys ymrwymiad sylfaenol i Medr ddatblygu fframwaith cyffredin ar gyfer iechyd meddwl a llesiant erbyn 1 Awst 2026, a fydd yn cadarnhau cyfle cyfartal ac a gaiff ei atgyfnerthu gan amodau rheoleiddio i gefnogi lles staff a dysgwyr.

Llesiant ac iechyd emosiynol a meddyliol addysg bellach, gan gynnwys polisi iechyd meddwl, diweddariad a’n disgwyliadau sy’n deillio ohonynt

7. Ym mis Ebrill 2025, cyhoeddodd Llywodraeth Cymru ei Strategaeth iechyd meddwl a llesiant meddyliol 2025 i 2035. Mae Medr yn disgwyl i bob darparwr addysg bellach ystyried y strategaeth iechyd meddwl a llesiant meddyliol genedlaethol wrth ddatblygu a diwygio eu strategaethau llesiant ac iechyd, eu dulliau atal hunanladdiad a hunan-niwedio a’u polisïau llesiant, a chynnwys camau gweithredu cysylltiedig yn eu ceisiadau am gyllid ar gyfer 2025/26 lle bo hynny’n briodol.

8. Ym mis Ebrill 2025, cyhoeddodd Llywodraeth Cymru Strategaeth Atal Hunanladdiad a Hunan-niweidio Cymru. Mae Medr yn annog pob darparwr addysg bellach i gymryd rhan yn y Gymuned Ymarfer Atal Hunanladdiad a Hunan-niwedio a chyfrannu ati.

9. Mae Medr yn croesawu gwaith y sector addysg bellach i wreiddio dull sefydliadol o ymdrin â thrawma a phrofiadau niweidiol yn ystod plentyndod o fewn ei ymarfer. Rydym yn annog darparwyr addysg bellach i barhau i ddatblygu eu dulliau a rhannu’r gwersi a ddysgir, lle bo hynny’n briodol.

Adolygiadau Thematig Estyn

10. Ym mis Mehefin 2023, cyhoeddodd Estyn ei hadolygiad: Aflonyddu rhywiol rhwng cyfoedion ymhlith dysgwyr 16-18 oed mewn colegau addysg bellach ledled Cymru. Mae’r adroddiad hwn yn ystyried nifer yr achosion o aflonyddu rhywiol rhwng cyfoedion ym mywydau pobl ifanc ac yn bwrw golwg dros y diwylliant a’r prosesau sy’n helpu i amddiffyn a chefnogi dysgwyr rhwng 16 ac 18 oed mewn colegau addysg bellach yng Nghymru. Mae’r adolygiad yn gwneud pum argymhelliad ar gyfer darparwyr addysg bellach.

11. Ym mis Mai 2025, cyhoeddodd Estyn ei hadolygiad: Deall, Cefnogi a Hyrwyddo Ymddygiad Cadarnhaol. Mae’r adroddiad yn cynnwys gwaith ymchwil sy’n dangos bod ymddygiad dysgwyr yn cael effaith ar lesiant staff a bod argaeledd dulliau cymorth llesiant ac emosiynol ar gyfer staff yn anghyson. Yn ogystal â hynny, mae’r adroddiad yn tynnu sylw at yr heriau iechyd meddwl sy’n wynebu’r sector, o ganlyniad i’r cynnydd yn nifer y dysgwyr y mae angen cymorth ychwanegol arnynt ar gyfer gorbryder ac iselder. Mae’r adroddiad yn cynnwys pum argymhelliad ar gyfer darparwyr addysg bellach.

12. Mae’r adroddiadau hyn yn bwysig a dylai colegau adolygu eu polisïau, eu gweithdrefnau a’u gweithgarwch eu hunain er mwyn sicrhau eu bod yn ystyried yr argymhellion.

Llesiant emosiynol a meddyliol, ac ystyriaethau ehangach sy’n ymwneud â chydraddoldeb a chroestoriadedd

13. Rydym yn disgwyl i ddarparwyr ystyried effeithiau croestoriadol ar lesiant emosiynol a meddyliol dysgwyr a staff. Felly, dylai darparwyr ystyried sut mae’r cyllid iechyd meddwl a llesiant yn cyfrannu at y cynlluniau cydraddoldeb canlynol y mae Llywodraeth Cymru wedi’u cyhoeddi:

• Cynllun Gweithredu Cymru Wrth-hiliol;
• Cynllun Gweithredu LHDTC+ Cymru;
• Trais yn erbyn menywod, cam-drin domestig a thrais rhywiol: strategaeth 2022 i 2026 a’r ddogfen gysylltiedig Trais yn erbyn menywod, cam-drin domestig a thrais rhywiol: cynllun gweithredu lefel uchel y glasbrint;
• Cynllun Hawliau Pobl Anabl: 2025 i 2035 sy’n destun ymgynghoriad ar hyn o bryd.

Er nad yw’r Cynllun Hawliau Pobl Anabl drafft wedi’i gymeradwyo’n derfynol eto, rydym yn annog darparwyr i ystyried ei flaenoriaethau a’i egwyddorion arfaethedig, lle bo hynny’n briodol.

14. Rhaid i ddarparwyr addysg bellach ddefnyddio canfyddiadau a chasgliad yr asesiadau o’r effaith ar gydraddoldeb i lywio cynlluniau, polisïau a gweithdrefnau er mwyn dangos bod camau gweithredu’n seiliedig ar dystiolaeth.

Colegau Cymru

15. Yn 2025/26, bydd Colegau Cymru yn cydgysylltu Rhwydwaith Iechyd Meddwl a fydd yn cynnwys cynrychiolaeth i Medr ac rydym yn annog pob coleg i gymryd rhan yn llawn.

16. Dylai darparwyr addysg bellach ystyried y Strategaeth Lles Actif a gwaith cydweithredol a gydgysylltir gan Colegau Cymru.

Cyllid uniongyrchol i sefydliadau addysg bellach 2025/26

17. Yn 2025/26, bydd £4,050,000 yn cael ei ddyrannu’n uniongyrchol i sefydliadau addysg bellach, er mwyn helpu i dalu costau staffio rheng flaen ar gyfer cymorth llesiant, meithrin gallu, cwnsela i gefnogi staff a dysgwyr, a gweithgareddau llesiant ac iechyd meddwl a fydd o fudd i ddysgwyr a staff ym mhob rhan o’r sector.

18. Caiff y £4,050,000 ei ddyrannu’n seiliedig ar faint pob sefydliad fel procsi ar gyfer nifer y dysgwyr a’r staff. Ceir manylion y dyraniadau llawn yn Atodiad A.

19. Gellir defnyddio’r cyllid ar gyfer gweithgareddau sy’n adlewyrchu blaenoriaethau pob sefydliad unigol, yn seiliedig ar ei bolisïau ei hun a’r anghenion cymorth sydd wedi’u nodi ar gyfer ei ddysgwyr a’i staff, ar sail ei ddata a’i dystiolaeth ei hun.

20. Fe’ch anogir i ddefnyddio eich cyllid ar gyfer gweithgarwch cydweithredol a gallwch ddewis “cydgasglu” cyllid i gefnogi prosiectau cydweithredol.

21. IYn 2025/26 rydym yn disgwyl i bob darparydd AB adeiladu ar waith y prosiect Ymwybyddiaeth Llesiant sy’n rhoi lle diogel i staff a chynrychiolwyr llesiant undebau llafur hyrwyddo a chefnogi ymgyrch am lesiant cynaliadwy. Dylai darparwyr ddyrannu cyllid ar gyfer o leiaf un cynrychiolydd llesiant undeb llafur fesul coleg, sy’n gweithio un awr yr wythnos o leiaf dros gyfnod o 33 wythnos.(Sylwer: o 2025-26 dylai’r cyllid hwn gael ei dynnu o’ch dyraniad darparydd, fel y nodir a nodir yn y cyhoeddiad hwn.)

22. Yn 2025/26, rhaid i bob darparwr addysg bellach adolygu ei ddull o atal hunanladdiad a rhoi cam/au lliniaru ar waith.

23. Dylai darparwyr ystyried y canllawiau ar atal hunanladdiad, y mae’r rhan fwyaf ohonynt wedi cael eu lanlwytho i gymuned ymarfer atal hunanladdiad addysg uwch ac addysg bellach Padlet. Dylent hefyd ystyried y goblygiadau i addysg bellach yn sgil yr Adolygiad Cenedlaethol o Hunanladdiadau Ymhlith Myfyrwyr Addysg Uwch ac ystyried camau gweithredu sy’n mynd i’r afael â’r argymhellion sy’n berthnasol i’r sector addysg bellach.

Gweithgareddau cymwys

24. Gellir defnyddio’r cyllid i wneud y canlynol:

• Cefnogi llesiant dysgwyr a staff.
• Talu costau cyflogau staff sy’n cefnogi llesiant emosiynol a meddyliol staff neu ddysgwyr.
• Datblygu polisïau a strategaethau llesiant ymhellach, eu rhoi ar waith a’u gwerthuso.
• Gwneud gwaith ymchwil weithredu gyda’r bwriad y bydd y coleg yn ei gynnal drwy’r ffrwd gyllido hon.
• Cynnal a gwreiddio prosiectau a mentrau llwyddiannus wedi’i datblygu gan y rhanbarthau.
• Datblygu prosiectau newydd yn seiliedig ar anghenion a blaenoriaethau newidiol.
• Datblygu, treialu a gwerthuso dulliau gweithredu.
• Gwella’r ffordd y caiff gwasanaethau eu darparu ar y cyd a chymorth ar gyfer cyfnodau pontio dysgwyr.
• Datblygu modelau cwricwlwm, addysgeg ac asesu i gefnogi llesiant meddyliol staff a dysgwyr.
• Datblygu adnoddau a chanllawiau dwyieithog er budd colegau cyfan, gan gynnwys ar gyfer dysgu seiliedig ar waith a dysgu oedolion; gallai hyn hefyd gynnwys addasu a chyfieithu adnoddau sydd eisoes yn bodoli.
• Gweithgareddau sy’n mynd i’r afael â hiliaeth, camymddwyn rhywiol, a ffyrdd o ymddwyn sy’n effeithio ar lesiant ac iechyd meddwl staff a myfyrwyr.
• Hyfforddiant i staff er mwyn cefnogi llesiant emosiynol a meddyliol.
• Gellir defnyddio’r cyllid hefyd i ryddhau amser staff i gymryd rhan mewn gweithgareddau, caffael gwasanaethau arbenigol gan gynnwys hyfforddiant ac ymgynghoriaeth, a llunio a chyfieithu adnoddau. 

25. Nid yw gwariant cyfalaf (e.e. prynu offer) yn gymwys ar gyfer cyllid.

26. Wrth gynllunio eich darpariaeth, rydym yn disgwyl i bob sefydliad ganolbwyntio ar gyflawni deilliannau cynaliadwy ac, er ein bod yn croesawu datblygiad mentrau newydd, mae’n bwysig datblygu a gwreiddio mentrau blaenorol gan gynnwys y rhai hynny a ddatblygwyd fel rhan o’r prosiectau cenedlaethol, sy’n cynnwys:

• Prosiect cam-drin rhwng cyfoedion;
• Prosiect cwricwlwm gwrth-hiliol (Metafyd);
• Lles actif;
• Prosiect Ymwybyddiaeth Llesiant;
• Prosiect partneriaeth genedlaethol iechyd meddwl myfyrwyr addysg bellach/uwch.

27. Rhaid i geisiadau gynnwys gweithgareddau a ddylunnir i gefnogi llesiant dysgwyr a staff.

Prosiect(au) addysg bellach cenedlaethol

28. Yn 2025/26, bydd Medr yn dyrannu swm ychwanegol o £350,000 er mwyn cefnogi mentrau llesiant emosiynol a meddyliol ar gyfer staff a myfyrwyr addysg bellach ar lefel genedlaethol. Bydd Medr yn ymgysylltu â’r sector er mwyn penderfynu pa brosiect(au) cenedlaethol a ddatblygir ymhellach.

Cyllid ychwanegol ar gyfer addysg bellach ac uwch yn 2025/26

29. Yn 2025/26, darparodd Llywodraeth Cymru gyllid ychwanegol i Medr gefnogi darparwyr addysg bellach ac uwch. Bwriad Medr yw dyrannu £350,000 i golegau AB drwy gyllid sy’n seiliedig ar fformiwla, fel y manylir ym mharagraffau 17 a 18, ariannu datblygiad fframwaith diogelu rhag hunanladdiad sy’n benodol ar gyfer AB ac ariannu’r prosiectau AB ac AU cenedlaethol canlynol:

• Parhau i ariannu’r rhaglen genedlaethol ar gyfer partneriaeth iechyd meddwl myfyrwyr o dan arweiniad Prifysgol Caerdydd ac adeiladu ar waith peilot a ariannwyd yn wreiddiol gan CCAUC a Llywodraeth Cymru.  Yn 2025/26, mae Medr yn darparu cyllid parhaus i gefnogi gwaith i ddatblygu cyfleuster storio data, parhau i gyflwyno mynegai difrifoldeb iechyd meddwl, archwilio a datblygu protocolau rhannu gwybodaeth a chynnal gwerthusiad allanol o’r rhaglen. 
• Myf.Cymru dan arweiniad Prifysgol Bangor i ddarparu adnoddau llesiant yn Gymraeg i fyfyrwyr a rhwydwaith o ymarferwyr ar gyfer addysg bellach ac addysg uwch.   

Proses dyrannu cyllid 2025/26

30. Mae Medr yn ei gwneud yn ofynnol i ddarparwyr addysg bellach gyflwyno cynllun cyllido ar gyfer 2025/26 ac mae’n rhaid i’r cynllun hwnnw:

• gynnwys cymorth ar gyfer llesiant emosiynol a meddyliol dysgwyr a staff;
• bodloni’r meini prawf cymhwysedd a restrir ym mharagraff 22;
• ariannu cynrychiolwyr llesiant undebau llafur yn uniongyrchol, gan adeiladu ar waith prosiect Ymwybyddiaeth Llesiant (1 diwrnod yr wythnos am 30 wythnos);
• adeiladu ar waith gan sefydliadau, gwaith cydweithredol a/neu waith ar lefel sector cyfan ar iechyd meddwl a llesiant a wnaed yn flaenorol, a gwreiddio’r gwaith hwnnw;
• dangos sut y caiff effaith ei mesur a’i gwerthuso.

31. Mae templed cynllun cyllido ar gyfer 2025/26 wedi’i atodi yn Atodiad B. (Gweler y dyddiadau cyflwyno yn nhabl 1 isod.)

Monitro colegau a ariennir yn uniongyrchol

32. Caiff templedi ar gyfer monitro interim a therfynol ac astudiaethau achos eu cylchredeg ym mis Hydref 2025.

Amserlen

33. Mae Tabl 1 isod yn nodi’r dyddiadau cau i golegau a ariennir yn uniongyrchol ar gyfer cyflwyno ac adrodd.

Tabl 1

Gofynion cyflwyno ac adrodd	Dyddiad cyflwyno
Canllawiau a gyhoeddwyd	Medi 2025
Dyddiad cau i sefydliadau AB gyflwyno cynllun cyllido	24 Hydref 2025
Cyflawni’r prosiect	1 Awst 2025 ymlaen
Anfon llythyrau cynnig grant	Tachwedd 2025
Cyflwyno adroddiad monitro dros dro	1 Mawrth 2026
1af daliad	Ebrill 2026
Cyflwyno’r adroddiad monitro terfynol	1 Gorffennaf 2026
2il daliad	Gorffennaf 2026

Rhagor o wybodaeth / ymatebion i

34. I gael rhagor o wybodaeth, cysylltwch â Ryan Stokes ([email protected]).

35. Dylid cyflwyno ymatebion i [email protected].

Asesu effaith ein polisïau

36. Rydym wedi diweddaru ein hasesiad effaith parhaus i ystyried cydraddoldeb, amrywiaeth a chynhwysiant. Gwnaethom hefyd ystyried effaith polisïau ar y Gymraeg a darpariaeth Gymraeg yn y sector addysg drydyddol yng Nghymru, a’r effeithiau posibl ar y nodau sydd yn Neddf Llesiant Cenedlaethau’r Dyfodol (Cymru) 2015.

37. Mae canfyddiadau ein hasesiad effaith yn cynnwys:

• canfod effeithiau cadarnhaol tebygol ar y nodweddion gwarchodedig canlynol: oedran, anabledd, ailbennu rhywedd, beichiogrwydd a mamolaeth, hil, crefydd neu gred, rhyw, a chyfeiriadedd rhywiol. Ni chanfuwyd dim effeithiau negyddol.
• cadarnhau bod y cyllid yn cefnogi pump o’r saith nod llesiant ac yn ystyried y pum ffordd o weithio sydd yn Neddf Llesiant Cenedlaethau’r Dyfodol.
• nodi bod y cyllid a’r trefniadau monitro yn ceisio cael effaith gadarnhaol ar y Gymraeg.

Canllawiau Cryno: Cynlluniau gweithredu gwrth-hiliaeth

Er cysondeb a pharhad, mae’r Canllawiau ar Gynlluniau Gweithredu Gwrth-hiliaeth Addysg Bellach wedi’u llywio gan ganllawiau cyllid blaenorol a gyhoeddwyd gan Lywodraeth Cymru.

Mae’r canllawiau hyn yn cynnwys cyfeiriadau uniongyrchol i ganllawiau gwrth-hiliaeth blaenorol. Fe’u datblygwyd ymhellach gan Medr i roi ystyriaeth i’r Cynllun Gweithredu Cymru Wrth-hiliol (CGCW) a diweddariad 2024 gan Lywodraeth Cymru.

Rydym yn croesawu cyfraniad parhaus colegau at y gwaith hwn drwy eu hymrwymiad i’r camau gweithredu yn y Cynllun Gweithredu Cymru Wrth-hiliol. Yn unol â’n gwerthoedd, rydym am gydweithio â’r sector er mwyn helpu i fodloni gofynion y canllawiau hyn. Gallwch gysylltu â’r tîm yn [email protected].

Er mwyn sicrhau sefydlogrwydd i golegau, ac wrth inni weithio gyda cholegau ar eu cyfraniad ar y cyd at y Cynllun Gweithredu Cymru Wrth-hiliol: Diweddariad 2024 gan Lywodraeth Cymru, rydym yn dyrannu £21k o gyllid i bob coleg, am gyfnod o un mis ar bymtheg o fis Ebrill 2025 i fis Gorffennaf 2026. O 2026/27 ymlaen, bydd y cyllid yn dychwelyd i gyfnod cyllido blwyddyn academaidd o ddeuddeg mis. Yn 2025/26 rydym hefyd yn dyrannu £4k ychwanegol, ar gyfer y cyfnod rhwng Awst 2025 a Gorffennaf 2026, er mwyn galluogi colegau i fwrw ymlaen â gweithgarwch ychwanegol. Mae’r canllawiau hyn felly’n cadarnhau dyraniad o £25k i bob coleg ar gyfer gwrth-hiliaeth.

YYn ein neges e-bost i’r colegau ym mis Ebrill 2025, anogwyd colegau i ddefnyddio’r cyfnod pedwar mis, o fis Ebrill i fis Gorffennaf 2025, i:

• hunanasesu eu cyflwyniadau inni ar gyfer 2024-25;
• diweddaru eu hasesiadau effaith ar gydraddoldeb;
• ystyried diweddariad y Cynllun Gweithredu Cymru Wrth-hiliol; a
• nodi blaenoriaethau sy’n seiliedig ar ddata ar gyfer y coleg.

O fis Gorffennaf 2025 i Gorffennaf 2026, rydym yn disgwyl i golegau:

• barhau i ystyried Cynllun Gweithredu Cymru Wrth-hiliol 2022 i 2026;
• datblygu ac ymestyn eu cynlluniau gweithredu ar gyfer 2022-24, gan ystyried y CGCW a chyngor cyfatebol gan y Black Leadership Group;
• parhau i nodi a gwneud cynnydd gyda blaenoriaethau 2025/26 sy’n seiliedig ar ddata; ac
• ymgysylltu â’r prosiect cwricwlwm gwrth-hiliaeth (Metaverse) (a’r gwerthusiad ohono).

Ar wahân i hynny, mewn ymateb i’r dyraniad untro o £4k ar gyfer 2025/26, rydym yn disgwyl i golegau: 

• ddefnyddio matrics aeddfedrwydd hunanasesu Llywodraeth Cymru ar gyfer y Cynllun Gweithredu Cymru Wrth-hiliol (a atodir ar ffurf Atodiad A); a
• darparu hyfforddiant perthnasol sy’n gysylltiedig â gwrth-hiliaeth, sy’n berthnasol i anghenion y coleg, fel y’u nodwyd drwy asesiad effaith cydraddoldeb a chynlluniau gweithredu. 

Dylai cynlluniau gweithredu gwrth-hiliaeth colegau fod yn ‘ddogfennau byw’ a gaiff eu hadolygu a’u diweddaru’n rheolaidd fel rhan o brosesau blynyddol y coleg ar gyfer cynllunio strategol, risg a sicrhau ansawdd.

Symiau ac amseriad cyllid ychwanegol

Bydd dyraniad prif ffrwd AB o £2,666,447 yn cael ei ddyrannu i sefydliadau AB ar gyfer cynnydd yng ngwerth yr uned ym misoedd perthnasol y flwyddyn academaidd ym mlwyddyn ariannol 2025-26, fel y dangosir yn y tabl isod.

SAB	AB | Cyfraniad at gynnydd yng ngwerth yr uned
Coleg Penybont	£136,073
Coleg Caerdydd a’r Fro	£332,108
Coleg Cambria	£326,668
Coleg Gwent	£380,749
Coleg Sir Gâr	£175,035
Coleg y Cymoedd	£284,022
Coleg Gŵyr Abertawe	£231,927
Grŵp Llandrillo Menai	£293,837
Grŵp NPTC	£201,853
Y Coleg Merthyr Tudful	£86,370
Coleg Sir Benfro	£105,383
Coleg Catholig Dewi Sant	£61,807
Addysg Oedolion Cymru	£50,615
Cyfanswm	£2,666,447

Bydd dyraniad o £631,853 yn cael ei ddyrannu i ALlau ar gyfer ysgolion Chweched Dosbarth ar gyfer cynnydd yng ngwerth yr uned ym misoedd perthnasol y flwyddyn academaidd ym mlwyddyn ariannol 2025-26, fel y dangosir yn y tabl isod. 

Awdurdod Lleol	ALl | Cyfraniad at gynnydd yng ngwerth yr uned
Cyngor Sir Ynys Môn	£15,596
Cyngor Gwynedd	£23,374
Cyngor Bwrdeistref Sirol Conwy	£32,197
Cyngor Sir Ddinbych	£23,033
Cyngor Sir y Fflint	£27,973
Cyngor Bwrdeistref Sirol Wrecsam	£6,926
Cyngor Sir Powys	£26,695
Cyngor Sir Ceredigion	£21,340
Cyngor Sir Penfro	£17,783
Cyngor Sir Caerfyrddin	£39,293
Cyngor Dinas a Sir Abertawe	£39,975
Cyngor Castell-nedd Port Talbot	£13,501
Cyngor Bwrdeistref Sirol Pen-y-bont ar Ogwr	£44,385
Cyngor Bro Morgannwg	£46,936
Cyngor Bwrdeistref Sirol Rhondda Cynon Taf	£55,220
Cyngor Caerdydd	£100,563
Cyngor Bwrdeistref Sirol Caerffili	£22,952
Cyngor Bwrdeistref Sirol Torfaen	£2,463
Cyngor Sir Fynwy	£23,413
Cyngor Dinas Casnewydd	£48,235
Cyfanswm	£631,853

Mae’r cyllid hwn yn ymwneud â misoedd perthnasol y flwyddyn academaidd ym mlwyddyn ariannol 2025-26. Bydd y cyllid ychwanegol hwn ar gyfer cynnydd yng ngwerth yr uned yn cael ei dalu’n llawn mewn un taliad ym mis Hydref 2025.

Mae Llywodraeth Cymru wedi dyrannu cyllid ychwanegol o £700,000 i Medr ym mlwyddyn ariannol 2025-26 er mwyn cynorthwyo sefydliadau i gyflawni eu dyletswyddau o dan Ddeddf Anghenion Dysgu Ychwanegol a’r Tribiwnlys Addysg (Cymru) 2018. Bydd y cyllid ychwanegol hwn yn cael ei dalu’n llawn mewn un swm ym mis Hydref 2025. Gellir cyflawni gweithgarwch drwy gydol y flwyddyn academaidd, ond mae Medr yn disgwyl i sefydliadau ymrwymo’r gwariant o fewn blwyddyn ariannol 2025-26.

Symiau ychwanegol o gyllid, amseriadau a dibenion

Dylai’r cyllid helpu i feithrin capasiti a gweithredu camau a fydd yn hyrwyddo dulliau effeithiol o fodloni anghenion pobl ifanc ag ADY a chyfrannu at ddarparu system addysg gwbl gynhwysol, lle caiff pob dysgwr gefnogaeth i gyrraedd ei botensial.

Bwriedir i’r cyllid ar gyfer paratoi i weithredu’r Ddeddf a’r Cod ADY ychwanegu at gyllid arall a ddyrannwyd, ac nid yw’n disodli’r brif ffynhonnell o gyllid i sefydliadau. Ni ddylai ychwaith fod yn ffactor sy’n dylanwadu ar y penderfyniad i dderbyn dysgwyr ai peidio.

Rhaid i sefydliadau gadw at y Canllawiau ar gyfer Paratoi i Weithredu’r Ddeddf a’r Cod ADY ar wefan Medr.

Cyfrifir y cyllid yn seiliedig ar gyfran y sefydliad o gyllid Cymorth Dysgu Ychwanegol ac fe’i tanategir â dyraniad cychwynnol o £40,000 fesul sefydliad.

	Cyfanswm dyraniad Blwyddyn Ariannol 2024/25 £	Cyfanswm dyraniad Blwyddyn Academaidd 2025/26 £	Gwahaniaeth o gymharu â dyraniad Blwyddyn Academaidd 2024/25 £	Canran y gwahaniaeth %
Addysg Oedolion Cymru	43,415.00	43,418.00	3	0.01%
Coleg Penybont	49,363.00	49,181.00	(182)	-0.37%
Coleg Caerdydd a’r Fro	62,176.00	62,443.00	267	0.43%
Coleg Cambria	62,095.00	62,029.00	(66)	-0.11%
Coleg Gwent	66,150.00	65,709.00	(441)	-0.67%
Coleg Sir Gâr	51,830.00	51,793.00	(37)	-0.07%
Coleg y Cymoedd	57,935.00	59,210.00	1,275	2.20%
Coleg Gŵyr Abertawe	55,950.00	55,665.00	(285)	-0.51%
Grŵp Llandrillo Menai	59,849.00	59,818.00	(31)	-0.05%
Grŵp NPTC	54,006.00	53,619.00	(387)	-0.72%
Coleg Sir Benfro	47,162.00	47,098.00	(64)	-0.14%
Coleg Catholig Dewi Sant	44,187.00	44,178.00	(9)	-0.02%
Y Coleg Merthyr Tudful	45,882.00	45,839.00	(43)	-0.09%
	700,000.00	700,000.00

Gellir cyflawni gweithgarwch drwy gydol y flwyddyn academaidd, ond mae Medr yn disgwyl i sefydliadau ymrwymo’r gwariant o fewn blwyddyn ariannol 2025-26.

Symiau ac amseriad cyllid ychwanegol

Bydd dyraniad prif ffrwd AB o £8,068,000 yn cael ei ddyrannu i sefydliadau AB ar gyfer cyfraniadau Yswiriant Gwladol yn 2025-26, fel y dangosir yn y tabl isod.

SAB Blwyddyn ariannol 2025/26	AB | Cyfraniad tuag at gostau YG uwch
Addysg Oedolion Cymru	£113,547.70
Coleg Caerdydd a’r Fro	£945,002.09
Coleg Cambria	£1,103,664.86
Coleg Catholig Dewi Sant	£167,771.54
Coleg Gwent	£890,552.23
Coleg Gŵyr Abertawe	£785,166.10
Coleg Penybont	£444,774.05
Coleg Sir Benfro	£370,025.94
Coleg Sir Gâr	£570,373.88
Coleg y Cymoedd	£640,873.42
Grŵp NPTC	£732,340.62
Grŵp Llandrillo Menai	£1,125,251.92
Y Coleg Merthyr Tudful	£178,655.64
Cyfanswm	£8,068,000.00

Dyrennir £1,375,000 i ALlau ar gyfer ysgolion Chweched Dosbarth ar gyfer cyfraniadau Yswiriant Gwladol yn 2025-26, fel y dangosir yn y tabl isod.

Awdurdod Lleol	ALl | Cyfraniad tuag at gostau Yswiriant Gwladol uwch
Cyngor Bro Morgannwg	£103,604
Cyngor Bwrdeistref Sirol Caerffili	£48,340
Cyngor Bwrdeistref Sirol Conwy	£70,799
Cyngor Bwrdeistref Sirol Pen-y-bont ar Ogwr	£96,082
Cyngor Bwrdeistref Sirol Rhondda Cynon Taf	£116,177
Cyngor Bwrdeistref Sirol Torfaen	£5,254
Cyngor Bwrdeistref Sirol Wrecsam	£14,958
Cyngor Caerdydd	£217,956
Cyngor Castell-nedd Port Talbot	£28,930
Cyngor Dinas a Sir Abertawe	£86,836
Cyngor Dinas Casnewydd	£101,359
Cyngor Gwynedd	£51,663
Cyngor Sir Caerfyrddin	£87,299
Cyngor Sir Ceredigion	£47,766
Cyngor Sir Ddinbych	£50,659
Cyngor Sir Fynwy	£52,305
Cyngor Sir Penfro	£39,375
Cyngor Sir Powys	£59,605
Cyngor Sir y Fflint	£62,019
Cyngor Sir Ynys Môn	£34,015
Cyfanswm	£1,375,000

Mae’r cyllid hwn yn ymwneud â’r cyfnod o’r 1 Ebrill 2025 i 31 Mawrth 2026. Bydd y cyllid ychwanegol hwn ar gyfer cyfraniadau Yswiriant Gwladol yn 2025-26 yn cael ei dalu’n llawn mewn un swm ym mis Hydref 2025.

Cyflwyniad

1. Mae Llywodraeth Cymru wedi dynodi y bydd £10m o gyllid Cyfalaf ar gael i’w ddyrannu ym Mlwyddyn Ariannol 2025-6. Bydd y cyllid hwn yn cael ei ddyrannu i gefnogi blaenoriaethau strategol Medr.

Sail y dyraniadau cyllid cyfalaf

2. Bydd y cyllid Cyfalaf yn cael ei ddyrannu yn seiliedig ar ddull fformiwläig. Gan y dylai’r cyllid gael ei ddefnyddio, o leiaf yn rhannol, i gefnogi dysgu ac addysgu, profiad myfyrwyr a’r seilwaith ar gyfer myfyrwyr, mae’r dyraniadau wedi cael eu pennu yn seiliedig ar nifer y myfyrwyr. Mae nifer y myfyrwyr mewn sefydliad yn ddull procsi rhesymol o gyfrifo maint yr ystâd a’r cyfleusterau sydd eu hangen. Mae’r dull hwn yn gyson â dyraniadau cyfalaf blaenorol.

3. Y niferoedd myfyrwyr a ddefnyddiwyd ar gyfer y dyraniad cychwynnol yw’r Niferoedd Cyfwerth ag Amser Llawn (Niferoedd CALl) o Gofnod Myfyrwyr HESA ar gyfer pob dull, lefel a gwlad y mae myfyrwyr yn hanu ohoni yn seiliedig ar flwyddyn academaidd 2023/24. Dyma’r un sail ag a ddefnyddiwyd i ddyrannu’r cylch blaenorol o gyllid cyfalaf.

Cymhwyso isafswm dyraniad cyllid

4. Er mwyn darparu cyllid cyfalaf a fydd yn galluogi pob sefydliad i fuddsoddi mewn prosiectau a fydd yn cael effaith gynaliadwy, mae isafswm gwerth dyraniad o £750,000 wedi cael ei gymhwyso. Ac ystyried ei hystâd gyfyngedig yng Nghymru, bydd trothwy isafswm y Brifysgol Agored wedi’i osod ar 50% (£375,000) i gyfrannu at brosiectau a fydd o fudd i fyfyrwyr Cymru.

5. Mae’r cyllid ar gyfer sefydliadau lle’r oedd y dyraniad gwreiddiol ar sail nifer eu myfyrwyr CALl yn is na’r gwerth hwn wedi cael ei gynyddu i’r swm hwn, a nifer y myfyrwyr CALl ar gyfer y sefydliadau hynny wedi cael eu tynnu allan o’r cyfrifiad wedi hynny. Mae gweddill y cyllid sydd ar gael wedi cael ei ddosrannu rhwng y sefydliadau eraill yn seiliedig ar y niferoedd CALl a oedd yn weddill wrth gyfrifo.

6. Mae’r dyraniadau canlyniadol ar gyfer pob sefydliad wedi’u darparu yn Atodiad A.

Cyflwyno cynlluniau

7. Bydd hi’n ofynnol i sefydliadau ddarparu eu cynlluniau buddsoddi Cyfalaf ar gyfer y cyllid hwn, ynghyd â’u strategaethau Ystadau, gan egluro sut mae’r cynlluniau buddsoddi’n gyson â’u strategaethau Ystadau. Os yw strategaethau Ystadau ar ganol cael eu diweddaru, rhaid darparu diweddariad ysgrifenedig sy’n cynnwys blaenoriaethau ar gyfer ystadau.

8. Dylai’r cynlluniau buddsoddi cyfalaf gynnwys manylion gwariant arfaethedig y sefydliad a sut y bydd yn cefnogi blaenoriaethau strategol Medr. Mae sero net ac ymateb i’r argyfwng hinsawdd yn parhau i fod yn flaenoriaeth i Lywodraeth Cymru, felly dylai sefydliadau flaenoriaethu prosiectau sy’n mynd i’r afael â hynny’n uniongyrchol. Mae’n debygol y byddai prosiectau o’r fath hefyd yn creu buddion ehangach yn gysylltiedig â materion eraill â blaenoriaeth, fel bioamrywiaeth. Dylai sefydliadau hefyd amlygu sut y bydd cynlluniau’n gwella’r gofod dysgu ac addysgu ac o fudd i brofiad myfyrwyr.

9. Bydd Swyddogion Medr yn cadarnhau bod cynlluniau buddsoddi Cyfalaf yn briodol ac yn bodloni’r meini prawf angenrheidiol.

10. Byddwn yn parhau i fonitro metrigau HESA drwy’r datganiadau data a gyhoeddir ac felly dylai sefydliadau barhau i fod yn ymwybodol o’r effaith y gallai prosiectau ei chael arnynt.

11. Mae profforma ar gyfer y cynlluniau hyn wedi’i gynnwys yn Atodiad B.

12. Os bydd gennym unrhyw bryderon ynghylch priodoldeb unrhyw brosiectau penodol, gallwn fynnu bod y cyllid yn cael ei ddargyfeirio at rai mwy addas. Gan hynny, rydym yn argymell bod sefydliadau’n darparu cynlluniau y tu hwnt i’w dyraniad i ganiatáu hyblygrwydd.

13. Os bydd sefydliad yn rhagweld na fydd yn gallu gwario’i ddyraniad llawn, dylai roi gwybod inni ar y cyfle cyntaf a bydd unrhyw arian sydd dros ben yn cael ei ailddyrannu i sefydliadau eraill drwy’r dull fformiwläig a ddisgrifiwyd yn flaenorol.

Monitro blynyddol

14. Bydd ymarfer monitro’n cael ei gynnal yn 2026 ar ddyddiad addas i sicrhau bod y cyllid wedi cael ei ddefnyddio fel y bwriadwyd ac i roi diweddariad ar effaith y buddsoddiad.

15. Disgwylir i sefydliadau roi dadansoddiad o’r gwariant cyfalaf a manylu ar unrhyw brosiectau y mae’r cyllid wedi cyfrannu atynt.

16. Gofynnir i sefydliadau roi crynodeb ansoddol o’r effeithiau cadarnhaol y mae’r cyllid hwn wedi’u cael/yn eu cael o ran cyflawni blaenoriaethau Medr a’r meini prawf a nodir uchod.

Amserlen

17. Gofynnir i ddarparwyr gadarnhau eu gallu i wario eu dyraniad llawn erbyn 30 Medi 2025.

18. Bydd Medr yn trefnu i dalu’r cyllid a ddyrannwyd i sefydliadau ar ôl derbyn y cadarnhad uchod, a hynny ym mis Hydref 2025.

19. Bydd y broses fonitro flynyddol yn digwydd yn 2026 ar ddyddiad addas.

Rhagor o wybodaeth

20. Am ragor o wybodaeth, cysylltwch â [email protected].

Atodiad A: Modelu cyllid cyfalaf addysg uwch ychwanegol 2025/26

Sefydliad	Myfyrwyr CALl 2023/24	Dyraniadau pro rata i (£): CALl	Canran a ddyrannwyd i bob sefydliad CALl
Prifysgol Abertawe	19,009.00	1,514,809.31	15%
Prifysgol Aberystwyth		750,000.00	8%
Prifysgol Bangor		750,000.00	8%
Prifysgol Caerdydd	28,326.00	2,257,272.28	23%
Prifysgol Cymru Y Drindod Dewi Sant	11,755.00	936,744.88	9%
Prifysgol De Cymru	19,177.00	1,528,197.07	15%
Prifysgol Metropolitan Caerdydd	10,578.00	842,950.86	8%
Prifysgol Wrecsam		750,000.00	8%
Y Brifysgol Agored yng Nghymru	8,408.00	670,025.60	7%
Cyfanswm	97,253.00	10,000,000.00	100%

Ffynhonnell: Cofnod myfyrwyr HESA 2023/24

Niferoedd Myfyrwyr heb eu defnyddio wrth gyfrifo: Poblogaeth gofrestru safonol HESA, pob dull, lefel a gwlad.

Myfyrwyr CALl a ddefnyddiwyd wrth gyfrifo: Poblogaeth Sesiwn HESA, pob dull, lefel a gwlad.

Sylwch fod talgrynnu wedi’i gymhwyso i werthoedd CALl ar ôl eu defnyddio mewn cyfrifiadau.

Mae Medr yn croesawu adroddiad thematig Estyn ar y Cwricwlwm Sgiliau Byw’n Annibynnol (SBA) mewn sefydliadau addysg bellach. Rydym yn derbyn y canfyddiadau a’r argymhellion fel y maent yn berthnasol i Medr.

Comisiynwyd yr adroddiad thematig gan Medr ym mis Awst 2024 yn dilyn gwaith ymgysylltu helaeth â’r sector, lle y nodwyd nifer o flaenoriaethau ar gyfer gwella. Ers adroddiad thematig Estyn yn 2017, mae’r sector wedi gwneud gwelliannau sylweddol i’r ffordd y caiff y cwricwlwm SBA ei gyflwyno, gyda ffocws cadarn ar ymateb i anghenion dysgwyr. Comisiynwyd yr adroddiad thematig hwn er mwyn sicrhau bod newidiadau effeithiol wedi cael eu gwneud ac er mwyn atgyfnerthu arlwy cyson i ddysgwyr ledled Cymru. Mae Cynllun Strategol 2025-2030 Medr yn amlinellu ein hymrwymiad i hyrwyddo dull sy’n canolbwyntio ar yr unigolyn o gefnogi dysgwyr ag Anghenion Dysgu Ychwanegol, ochr yn ochr â ffocws cadarn ar gynyddu cyfranogiad. Bydd yr adroddiad thematig hwn yn helpu i lywio ein hymdrechion ar y cyd â’r sector wrth i ni wneud cynnydd o ran datblygu darpariaeth SBA wedi’i hatgyfnerthu.

Cyn i’r adroddiad thematig gael ei gomisiynu, roedd Llywodraeth Cymru (cyn i’r swyddogaethau perthnasol gael eu trosglwyddo i Medr), mewn partneriaeth â’r sector, eisoes wedi canfod bod angen diweddaru ein manylebau SBA er mwyn adlewyrchu cwricwlwm sy’n canolbwyntio ar yr unigolyn yn well, a hynny’n unol â Deddf Anghenion Dysgu Ychwanegol a’r Tribiwnlys Addysg (Cymru) 2018. Felly, mae Medr yn croesawu argymhelliad cyntaf Estyn y dylid diwygio’r manylebau, ac mae’n gwerthfawrogi’r dystiolaeth a gyflwynwyd er mwyn llywio’r gwaith hwn. Mae’r ymrwymiad hwn wedi’i wreiddio yn ein Cynllun Gweithredol, a chaiff yr holl newidiadau eu gwneud ar y cyd â’r sector. Bydd rhoi canllawiau clir i gefnogi dealltwriaeth hefyd yn rhan allweddol o’r broses hon, gan helpu i atgyfnerthu’r manylebau diwygiedig (Argymhelliad 2).

Yn fwy cyffredinol, mae ein Cynllun Strategol yn amlinellu ein hymrwymiad i hyrwyddo dull sy’n canolbwyntio ar yr unigolyn ar gyfer dysgwyr ag Anghenion Dysgu Ychwanegol (ADY). Fel rhan o hyn, ein nod yw helpu Llywodraeth Cymru i roi argymhellion perthnasol ar waith (Argymhellion 3–5) drwy barhau i gymryd rhan mewn gweithgorau perthnasol a rhoi gwybodaeth a chyngor ynglŷn â darparu ar gyfer ADY yn y sector trydyddol. Bydd Medr yn ymgysylltu ag awdurdodau lleol lle bo hynny’n briodol er mwyn archwilio meysydd lle y bydd angen cymorth ychwanegol yn y sector ôl-16 (Argymhellion 12–15).

Bydd Medr yn gweithio gyda sefydliadau addysg bellach i sicrhau bod y wybodaeth ar eu gwefannau’n hygyrch ac yn adlewyrchu’r cymorth sydd ar gael i ddysgwyr yn glir (Argymhelliad 10), ac yn cynnal ymarfer monitro yn ystod 2026 i adolygu cynnydd. Yn ogystal â chyhoeddi manylebau a chanllawiau wedi’u diweddaru, byddwn hefyd yn gweithio gyda’r sector i archwilio’r gweithgareddau dysgu proffesiynol y bydd eu hangen er mwyn helpu i gyflwyno’r cwricwlwm diwygiedig yn effeithiol (Argymhelliad 7).  Byddwn yn archwilio’r potensial ar gyfer defnyddio cyllid dysgu proffesiynol i gefnogi’r gweithgareddau hyn.  Rydym yn cydnabod pwysigrwydd helpu sefydliadau addysg bellach i ddatblygu’r cwricwlwm mewn ffyrdd sy’n sicrhau mynediad teg i ddysgwyr ledled Cymru.

Rydym yn falch bod Estyn wedi cydnabod gwelliannau sylweddol ar draws y sector ers yr adolygiad diwethaf. Edrychwn ymlaen at weithio gyda’r sector a phartneriaid perthnasol i roi’r argymhellion ar waith ac atgyfnerthu’r ddarpariaeth ymhellach, gan sicrhau arlwy cyson o ansawdd da i ddysgwyr ag anghenion cymhleth ledled Cymru.

Mae Medr yn gwahodd darparwyr, dysgwyr, cyflogwyr a rhanddeiliaid i gymryd rhan mewn ymgynghoriad ar raglen brentisiaethau newydd i Gymru.

Caiff yr ymgynghoriad, a fydd yn llywio dyfodol prentisiaethau o fis Awst 2027 ymlaen, ei gynnal o 15 Medi 2025 tan 31 Hydref 2025.

Dywedodd James Owen, Prif Weithredwr Medr: “Mae hwn yn gyfle unigryw i helpu i lywio system brentisiaethau sy’n hyblyg, yn ymatebol, ac yn canolbwyntio ar anghenion dysgwyr, cyflogwyr a’r economi wrth iddynt ddatblygu.

“Uchelgais Medr yw sicrhau bod darpariaeth prentisiaethau’n cyd-fynd â blaenoriaethau Llywodraeth Cymru ac yn helpu pob unigolyn i ddysgu’r sgiliau a’r wybodaeth y bydd eu hangen ar gyfer byd gwaith sy’n newid.

“Rydyn ni am weld rhaglen brentisiaethau sy’n sicrhau rhagoriaeth, cydraddoldeb ac ymgysylltu i bawb. Rydyn ni’n annog pawb sydd â diddordeb mewn prentisiaethau i ymateb i’r ymgynghoriad a dod i un o’r digwyddiadau a fydd yn cael eu cynnal.”

I gael gwybod mwy am sut i lywio dyfodol prentisiaethau yng Nghymru:

Rhaglen brentisiaethau yng Nghymru: ymgynghoriad

Fideo: Medr yn lansio ymgynghoriad ar raglen brentisiaethau