Profiadau myfyrwyr addysg uwch

Dylai sefydliadau addysg uwch weithio gyda’r corff o fyfyrwyr i baratoi Siarteri Myfyrwyr, sy’n nodi disgwyliadau, hawliau a chyfrifoldebau sefydliadau a’u myfyrwyr, y naill i’r llall. Dylai’r rheiny fod wedi’u cynllunio i gefnogi profiad dysgu’r myfyriwr, a chynnwys dolenni priodol i wybodaeth bellach. Cyhoeddodd Cyngor Cyllido Addysg Uwch Cymru ganllawiau ar sut y dylai darparwyr addysg uwch fynd ati i ddatblygu siarteri myfyrwyr ac mae’r disgwyliadau hyn wedi’u cynnwys yn y Fframwaith Asesu Ansawdd ar gyfer Cymru.

Cyhoeddodd CCAUC gyfarwyddyd ar arfer da o ran cyllido undebau myfyrwyr effeithiol a democrataidd, a chynrychiolaeth myfyrwyr.

Yn 2022, cyhoeddodd CCAUC adroddiad gan AU Ymlaen, a gomisiynwyd gan CCAUC, ar adolygu polisi ac arfer yn gysylltiedig â chefnogi myfyrwyr ôl-radd sy’n addysgu.

Yn 2023, cyhoeddodd CCAUC adroddiad gan Ymchwil Arad, a luniwyd ar ran CCAUC, ar brofiadau ehangach myfyrwyr ymchwil ôl-radd.

Mae’r NSS yn eiddo i Medr, y Swyddfa Fyfyrwyr, Cyngor Cyllido’r Alban, ac Adran yr Economi yng Ngogledd Iwerddon. Mae’r Swyddfa Fyfyrwyr yn rheoli’r arolwg ar ran yr holl gyrff cyllido a rheoleiddio. Ipsos yw’r cwmni sy’n gweinyddu’r arolwg, ac mae CACI Ltd yn rhannu’r canlyniadau â darparwyr a sefydliadau.

Cyhoeddir yr NSS fel gwybodaeth gyhoeddus, ond ceir trothwyon y mae’n rhaid eu bodloni i gadw manylion myfyrwyr yn anhysbys. I dderbyn canlyniadau lefel pwnc, rhaid cael ymateb gan isafswm o 10 o fyfyrwyr, neu gyfradd ymateb isafswm o 50%.

Ceir rhagor o wybodaeth a data’r NSS ar wefan y Swyddfa Fyfyrwyr. Mae canlyniadau manylach o’r NSS ar gael i sefydliadau ac undebau myfyrwyr i ddibenion mewnol.

Mae’n ofynnol i bob darparydd addysg uwch yng Nghymru gymryd rhan yn yr NSS a hyrwyddo’r arolwg ymhlith yr holl fyfyrwyr cymwys. Gall pob myfyriwr gradd ar ei flwyddyn olaf lenwi’r NSS ar-lein neu dros y ffôn. Ceir rhagor o wybodaeth i fyfyrwyr am yr NSS ar wefan yr NSS neu gall myfyrwyr holi eu darparydd.

Bydd y cwestiynau a osodwyd ar gyfer NSS 2026 yr un peth ag NSS 2025. Gall darparwyr hefyd ddewis cwestiynau dewisol nad ydynt yn rhan o’r data cyhoeddus a rennir.

Mae dyddiadau cau ar gyfer data darparwyr wedi’u nodi yn Medr/2025/26: Arolwg Cenedlaethol o Fyfyrwyr 2026.

Adnoddau eraill:

• Canllaw Myfyrwyr ar ddylanwad amhriodol
• Gweithdrefnau ar gyfer honiadau o ddylanwad amhriodol
• Canllaw Arfer Da 2025

Mae Darganfod Prifysgol yn eiddo i Medr, y Swyddfa Fyfyrwyr, Cyngor Cyllido’r Alban ac Adran yr Economi yng Ngogledd Iwerddon. Y Swyddfa Fyfyrwyr sy’n rheoli ochr weinyddol y wefan.

Mae Darganfod Prifysgol yn wefan y gall darpar fyfyrwyr ei defnyddio i gymharu cyrsiau gradd ar draws y DU. Mae’n amlygu data am y darparydd a’r cwrs gan gynnwys canlyniadau’r NSS a Deilliannau Graddedigion.

Mae’n ofynnol i bob darparydd addysg uwch yng Nghymru uwchlwytho data i Darganfod Prifysgol. Ar gyfer Coleg, gall peth o’r data hyn gael eu huwchlwytho gan Brifysgol, yn dibynnu ar drefniadau breinio.

Mae HESA wedi cyhoeddi’r amserlen ar gyfer cofnod Darganfod Prifysgol 2025/26. Os oes problemau wrth fodloni unrhyw derfynau amser, cysylltwch â [email protected].