Ar gyfer dysgwyr
Mae Medr yn rhoi lle creiddiol i ddysgwyr o fewn y system. Os ydych chi’n ddysgwr, gallech chi fod:
- Yn fyfyriwr yn y coleg neu’r brifysgol
- Yn brentis sy’n astudio drwy goleg neu ddarparydd hyfforddiant
- Yn dilyn cwrs gydag Addysg Oedolion Cymru neu eich cyngor lleol
- Yn ddisgybl chweched dosbarth mewn ysgol uwchradd
Sut mae Medr yn ymgysylltu â dysgwyr?
Rydym yn sicrhau bod eich prifysgol, coleg, darparydd hyfforddiant, chweched dosbarth, neu bwy bynnag rydych chi’n dysgu â nhw, yn darparu addysg o ansawdd uchel, gan ymgysylltu â phob dysgwr a gwrando ar eich llais, a’u bod yn atebol am y cyllid rydym yn ei ddarparu iddynt.
Rydym am sicrhau ein bod ni hefyd yn clywed eich llais, felly byddwn yn sefydlu gwahanol fecanweithiau i ymgysylltu â chynrychiolwyr dysgwyr.
Rydym yn cydweithio’n agos ag Undeb Cenedlaethol y Myfyrwyr (NUS) Cymru; mae Llywydd NUS Cymru yn Aelod Cysylltiol o’n Bwrdd ac rydym wedi cytuno ar Egwyddorion Cydweithio â’r NUS i wneud yn siŵr ein bod bob amser yn canfod y ffordd orau o gydweithio.
Rydym yn cyfarfod â chyrff sy’n cynrychioli dysgwyr (fel eich undebau myfyrwyr, neu Swyddogion Dysgwyr Gweithredol) ambell waith yn ystod y flwyddyn i drafod materion sy’n allweddol i ddysgwyr. Rydym hefyd yn holi ynghylch y berthynas rhwng eich darparydd a chynrychiolwyr dysgwyr. Mae’r wybodaeth hon yn cael ei bwydo’n ôl i Medr, i dimau eraill ac i’n Hadolygiad Risg Darparwyr.
Fforwm Llais y Dysgwr
Dros y blynyddoedd nesaf, byddwn yn datblygu gwahanol fecanweithiau i ymgysylltu ag amrywiaeth eang o ddysgwyr a deall sut y gallwn ddangos sut mae eu hadborth wedi newid pethau yn Medr.
Byddwn yn adeiladu ar hyn gyda dysgwyr i wneud yn siŵr ei fod yn adlewyrchu eu hanghenion ar draws yr holl sector trydyddol, ac yn cael effaith wirioneddol ar ein penderfyniadau.
Yr Arolwg Cenedlaethol o Fyfyrwyr (NSS)
Mae Medr yn berchen ar yr Arolwg Cenedlaethol o Fyfyrwyr ar y cyd â chyrff cyllido a rheoleiddio eraill y DU. Arolwg i fyfyrwyr ar flwyddyn olaf eu gradd mewn addysg uwch yw’r NSS.
Gofynnir cyfres o gwestiynau i bob myfyriwr blwyddyn olaf, a bydd Medr yn defnyddio’r canlyniadau i fynd ar drywydd unrhyw ganlyniadau gwael gyda’r prifysgolion. Fel arfer, byddwn yn gofyn am gynlluniau gweithredu gan y prifysgolion os yw’r canlyniad i gwestiwn yn rhy isel, neu os yw canlyniad pwnc yn rhy isel.
Os hoffech ragor o wybodaeth am yr NSS, edrychwch ar ein gwybodaeth bellach am yr NSS.
Ffynonellau gwybodaeth eraill a allai fod o ddiddordeb i ddysgwyr:
NUC Cymru: yn cynrychioli buddiannau myfyrwyr mewn prifysgolion a cholegau, a phrentisiaid, yn genedlaethol ledled Cymru.
Gyrfa Cymru: cyfleoedd chweched dosbarth, prentisiaeth, ac mewn colegau yng Nghymru.
Cymru’n Gweithio: cyngor ac arweiniad gyrfaoedd am ddim a diduedd i bobl 16 oed a throsodd.
Astudio yng Nghymru: addysg uwch ac addysg bellach yng Nghymru.
Swyddfa’r Dyfarnwr Annibynnol: corff annibynnol sy’n adolygu cwynion am addysg uwch.
Darganfod Prifysgol: cymharu gwybodaeth a data ar gyrsiau gradd mewn addysg uwch ledled y DU.
Prospects: cyfleoedd astudio ôl-radd ledled y DU.
Y Coleg Cymraeg Cenedlaethol: gwybodaeth am gyfleoedd i astudio drwy gyfrwng y Gymraeg.
Taith: cyfleoedd cyfnewid rhyngwladol i ddysgwyr yng Nghymru.
Cyngor Materion Myfyrwyr Rhyngwladol y DU: gwybodaeth a chyngor i fyfyrwyr rhyngwladol.
Cyllid Myfyrwyr Cymru: Cyllid ar gyfer dysgwyr addysg bellach, myfyrwyr gradd a myfyrwyr ôl-radd.
Addysgwyr Cymru: cymwysterau hyfforddiant athrawon.
Arweiniad ar gymhellion Medr i hyfforddi i addysgu mewn addysg bellach.
Gwefan Llywodraeth Cymru ar gyfer cymhellion i hyfforddi i addysgu mewn ysgolion.
Rhagor o wybodaeth am waith Medr
Gallwch danysgrifio i ddiweddariadau i fod y cyntaf i wybod am ein cyhoeddiadau, ein newyddion a’n cyfleoedd swydd.
Tanysgrifio