Ymateb Medr ar ddatganiad Llywodraeth Cymru ar ddiwygio addysg uwch a chyllid ychwanegol

Yn ei sylwadau ar ddatganiad y Gweinidog Addysg Bellach ac Uwch ar ddiwygio addysg uwch a chyllid ychwanegol ar gyfer y sector yng Nghymru, dywedodd Simon Pirotte, Prif Weithredwr Medr:

“Mae prifysgolion ar draws y DU yn wynebu cyfnod ariannol eithriadol o heriol. Nid yw’r sefyllfa’n wahanol yng Nghymru.

“Rydym yn croesawu cyhoeddiad Llywodraeth Cymru heddiw am fuddsoddiad cyfalaf ychwanegol er mwyn helpu ein prifysgolion i fynd i’r afael â heriau allweddol fel cynnal a chadw ystadau, cynaliadwyedd amgylcheddol a thrawsnewid digidol. Bydd hefyd yn helpu i ddarparu cyfleusterau i alluogi profiad o ansawdd uchel i fyfyrwyr ac ymchwil sy’n flaenllaw yn y byd. Bydd Medr yn cadarnhau sut rydym yn bwriadu dyrannu’r buddsoddiad hwn ar draws prifysgolion Cymru yn yr wythnosau nesaf.

“Mae ein blaenoriaethau yn cynnwys gwarchod buddiannau dysgwyr a sicrhau bod y system addysg drydyddol yn bodloni anghenion Cymru nawr ac yn y dyfodol. Er mwyn ein helpu i gyflawni’r blaenoriaethau hyn, bydd Medr hefyd yn gweithio gyda darparwyr a rhanddeiliaid i ddatblygu trosolwg o’r galw am bynciau, ac o ddarpariaeth a dosbarthiad pynciau mewn addysg uwch ledled Cymru.

“Byddwn yn parhau i ymgysylltu’n agos â holl brifysgolion Cymru i ddeall eu safbwyntiau unigol a’r cynlluniau y maent yn eu rhoi ar waith i sicrhau eu cynaliadwyedd ariannol hirdymor ac ansawdd eu harlwy i fyfyrwyr.”