Aelodau Pwyllgor – Pwyllgor Ymchwil ac Arloesi

Dyddiad cau: Dydd Gwener 4 Ebrill 2025

Mae ein Pwyllgor Ymchwil ac Arloesi yn cynghori ein Bwrdd ar faterion sy’n ymwneud ag ymchwil ac arloesi, gan gynnwys goruchwylio datblygiad polisi, a chyllid i gefnogi’r gweithgareddau hyn.

Rydym yn chwilio am dri aelod annibynnol sydd â phrofiad o ymchwil ac arloesi.

Yn ddelfrydol bydd gennych brofiad/cefndir mewn un neu fwy o’r meysydd canlynol:

Prif Ymchwilydd

• Profiad o fod yn gyfrifol am gyflawni ymchwil annibynnol ac/neu arloesi mewn cyd-destun academaidd.
• Proffil rhyngwladol a mynediad at ystod o rwydweithiau disgyblaethol ar draws Cymru, y DU ac yn rhyngwladol.

Cynrychiolydd Diwydiant

• Profiadau mewn rôl ymchwil ac/neu arloesi, mewn cyd-destun diwydiannol neu fusnes.
• Profiad o gynlluniau cydweithredol ag ymchwilwyr prifysgol, o adeiladu ymchwil ym mhroffil eich sefydliad ac/neu o gyfrannu at y tirlun arloesi yn eich maes.

Aelod o staff sy’n galluogi ymchwil

• Profiad o gefnogi datblygiad a gweithrediadau sy’n gysylltiedig ag ymchwil ac/neu arloesi yng nghyd-destun addysg drydyddol.
• Profiad o weithredu prosiectau a rhaglenni mawr a ariennir yn allanol, fel canolfannau ar gyfer hyfforddiant doethurol, rhaglenni ymchwil mawr ac/neu rwydweithiau a ariennir, a chefnogi mentrau ac ymyriadau ymchwil strategol a ariennir yn fewnol yn eich sefydliad.

Manylion llawn, a sut i wneud cais